काठमाडौं – सत्तारुढ दल नेकपा माओवादी केन्द्रले पाउने मन्त्रालयबारे प्रधानमन्त्री शेरबहादुर देउवा र अध्यक्ष पुष्पकमल दाहाल ‘प्रचण्ड’बीच सहमति जुटेको छ ।

हाल २ वटा मन्त्रालय सम्हालिरहेको माओवादीले अब ३ मन्त्री र १ राज्यमन्त्री पाउने छ । 

सोमवार साँझ बालुवाटारमा प्रधानमन्त्री शेरबहादुर देउवा र माओवादी अध्यक्ष प्रचण्डबीच भएको छलफलबाट मन्त्रालयले पाउने मन्त्रालयको मोटामोटी टुंगो लागेको माओवादी स्रोतले जनाएको छ ।

‘हामीले पाउने मन्त्रालयहरूको लगभग टुंगो लागेको छ,’ माओवादी स्रोतले भन्यो, ‘शिक्षा र स्वास्थ्यमध्ये एउटा मन्त्रालय हामीले पाउने भएका छौं । त्यसैगरी संघीय मामिला तथा सामान्य प्रशासन मन्त्रालय र भूमिसुधार मन्त्रालय समेत हाम्रो भागमा परेको छ । थप युवा तथा खेलकुद मन्त्रालय हामीले पाउने भएका छौं ।’

यसअघि माओवादीले अर्थ र ऊर्जा, जलस्रोत तथा सिँचाइ मन्त्रालय पाइसकेको छ । देउवा र प्रचण्डबीच सोमवार सहमति भए पनि आज मंगलवार शीर्ष नेताहरूको बैठक बसेर मन्त्रालयको भागबण्डालाई अन्तिम रूप दिइने जनाइएको छ ।

मन्त्रालयको भागबण्डा मिलेपछि दलहरूले आ–आफ्नो पार्टीमा छलफल गरेर मन्त्रीको नाम टुंगो लगाउने तयारी छ । माओवादीले स्थायी कमिटी बैठक राखेर मन्त्रीको टुंगो लगाउने भएको छ ।

माओवादी पाउने ४ मन्त्रीमा देवेन्द्र पौडेल, अञ्जना बिसंखे र महेश्वर गहतराजको नाम चर्चामा रहेको छ । बाँकी एउटा मन्त्रालयमा १ नम्बर प्रदेशबाट सुरेशकुमार राई, सुदन किराँती, शिवकुमार मण्डल र अमनलाल मोदीमध्ये १ जना पर्न सक्ने वा सिन्धुलीबाट हरिबोल गजुरेल समेत पर्न सक्ने माओवादीका एक नेताले जानकारी दिए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कोरोना महामारीका बेला शेरबहादुर देउवाको माग : ‘एमसीसी पारित हुनुपर्छ’