प्रचण्डको रोजाइमा यी महिला नेत्री, माओवादीभित्र को बलियो ?
प्रचण्डको रोजाइमा यी महिला नेत्री, माओवादीभित्र को बलियो ?
काठमाडौं – नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले महिला नेत्री पञ्चा सिंहलाई विद्यार्थी संगठन अखिल क्रान्तिकारीको अध्यक्ष रोजेका छन् ।
शनिबार बसेको माओवादी स्थायी कमिटी बैठकले क्रान्तिकारीको अध्यक्ष छान्ने जिम्मा प्रचण्डलाई दिएको थियो ।
आज आईतवार बिहान अध्यक्ष प्रचण्डले युवा नेत्री पञ्चा सिंहलाई अखिल क्रान्तिकारीको अध्यक्ष तोकेका छन् । प्रचण्डले रोजेसँगै सिंह अखिल क्रान्तिकारीको पहिलो महिला अध्यक्ष बनेकी हुन् ।
अध्यक्ष प्रचण्डले सिंहलाई अध्यक्ष तोकेपछि कतिपय विद्यार्थी नेताहरूले विरोध जनाएका छन् । नेकपा माओवादी केन्द्र निकट अखिल क्रान्तिकारीको २२औं राष्ट्रिय सम्मेलन नेतृत्व विवादका कारण लम्बिँदै गएको छ ।
क्रान्तिकारीको अध्यक्षमा सुरेन्द्र बस्नेत, पञ्चा सिंह, तिलकराज भण्डारी, दीपक देवकोटा, विजय गौतम, उत्तम अधिकारी, दीपेश पुन दाबेदार रहेका थिए । सबै दाबेदारलाई पछि पार्दै सिंह क्रान्तिकारीको अध्यक्ष बनेकी छन् ।
बस्नेत वरिष्ठ उपाध्यक्ष थिए भने सिंह उपाध्यक्ष रहेकी थिइन् । पञ्चा सिंह पार्टीको प्रदेश कमिटी सदस्य समेत हुन् । उनी यसअघिको अधिवेशनबाट अनिल शर्माको प्यानलबाट उपाध्यक्षमा निर्वाचित भएकी हुन् ।
नवनियुक्त अध्यक्ष सिंह अर्थमन्त्री जनार्दन शर्मानिकट मानिन्छिन् । प्रचण्डको रोजाइमा सिंह पर्नुलाई माओवादीभित्र अर्थमन्त्री शर्माको बलियो प्रभाव रहेको विश्लेषण हुन थालेको छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४