काठमाडौं - माधवकुमार नेपाललाई अन्तिम समयमा आएर धोका दिएका एमालेका १० भाइको बिजोग भएको छ ।

केपी ओलीको गुलियोमा भुलिएका भीम रावल, अष्टलक्ष्मी शाक्य, युवराज ज्ञवाली, सुरेन्द्र पाण्डे, घनश्याम भुसाल, योगेश भट्टराई, गोकर्ण विष्ट, भीम आचार्य, रघुजी पन्त, अमृतकुमार बोहोरा अहिले आफैं रणभुल्लमा परेका छन् । ओलीले कुनै भूमिका नदिए पनि १० बुँदेको रटान लगाएर १० भाइ एमालेमै बस्न विवश छन् ।

एमालेको पहिलो विधान महाधिवेशन शुक्रबारदेखि ललितपुरको गोदावरीमा सुरु हुँदैछ । विधान महाधिवेशन मूल आयोजक समितिको संयोजक पूर्वमाओवादी नेता रामबहादुर थापा बादललाई बनाइएको छ ।

महाधिवेशनको कुनै पनि समितिमा १० भाइलाई राखिएको छैन । योगेश भट्टराई सचिवमै रमाएका छन् । प्रचार विभाग प्रमुख र पार्टीको प्रवक्ता दिइने आश्वासन दिए पनि अहिलेसम्म केही दिइएको छैन । अब योगेशहरूको काम भनेको बादल समितिले जे निर्णय गर्छ, त्यसलाई पत्रकार सम्मेलन गरेर जानकारी गराउने मात्रै देखिएको छ ।

सबैभन्दा समस्यामा भीम रावल पर्ने निश्चित भएको छ । किनकि ओलीले बागमती प्रदेशमा अष्टलक्ष्मी शाक्यलाई उपाध्यक्षको वरीयतामा राखेर बादललाई इन्चार्ज कायम राखेका छन् । यही नजिर अव सुदूरपश्चिम प्रदेशमा पनि लागू हुने भएको छ ।

सुदूरपश्चिम प्रदेशमा रावल र पूर्वमाओवादी नेता लेखराज भट्ट दुवैले आफू प्रदेश इन्चार्ज भएको दाबी गरेका छन् । तर, ओलीले रावललाई पनि पार्टीको उपाध्यक्षको वरीयतामा सीमित गरेर भट्टलाई नै इन्चार्ज तोक्दै छन् । यदि भट्ट सुदूरपश्चिमको इन्चार्ज हुनेवित्तिकै रावलको पकड प्रदेशमा खुस्किने निश्चित छ ।

यस्तै, हरिबिजोग सुरेन्द्र पाण्डेको पनि भएको छ । पाण्डेले कुनै पनि भूमिका पाएका छैनन् । अहिले उनको काम भनेको माधव नेपालले आफूहरूलाई धोका दिएको भन्दै भाषण गर्दैमा बित्ने गरेको छ । बादल प्रदेश इन्चार्ज हुनेवित्तिकै पाृण्डेको चितवनमा अहिलेसम्म देखिएको पकड पनि गुम्दै जाने खतरा छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

प्रचण्डसँग मिलेर केपी ओलीले दिए कडा निर्देशन, विरोध उत्रेका सांसद के गर्लान् ?