काठमाडौं – नेकपा एमालेबाट विभाजित भई बनेको नेकपा एकीकृत समाजवादी (एस) पार्टीमा कार्यविभाजन गर्दा सुरुमा थोरै उपाध्यक्ष राख्ने प्रयास भएको थियो । तर नयाँ गठन भएको पार्टीमा पदाधिकारीका आकांक्षी धेरै भएपनि ७ उपाध्यक्ष,  उपमहासचिव र सचिव गरी धेरै पदाधिकारी बनाइए । 

एमाले अध्यक्ष केपी शर्मा ओलीले धेरै उपाध्यक्ष बनाइएकोप्रति व्यंग्य गर्दै एस पार्टीलाई ‘पदाधिकारी पार्टी’को संज्ञा दिएका थिए । तर अब पदाधिकारी धेरै जना बन्नुपर्ने रोग एमालेतिर पनि सरेको छ ।

नेकपा एमालेको जारी केन्द्रीय कमिटी बैठकमा ७ जना उपाध्यक्षको व्यवस्था हुनुपर्ने माग भएको छ । प्रस्तावित विधानमा ३ जना मात्रै उपाध्यक्ष बनाउन खोजिएपनि केन्द्रीय कमिटीमा १ प्रदेशबाट १ उपाध्यक्ष हुनुपर्ने माग गरिएको छ ।

ललितपुरस्थित तुलसीलाल स्मृति प्रतिष्ठानमा जारी केन्द्रीय कमिटी बैठकमा १ नम्बर प्रदेशको तर्फबाट समूहको निष्कर्ष सुनाउँदै टोली नेता हिक्मत कार्कीले कमिटी प्रणालीलाई व्यवस्थित गर्न त्यसैअनुसार व्यवस्थापन गरिनुपर्ने बताए । 

केन्द्रीय कमिटी २२५ जनाभन्दा ठूलो आकार बनाउनुपर्ने, प्रदेश कमिटीलाई कार्यकारी कमिटीकै रुपमा अगाडि बढाउनुपर्ने, ७ वटै प्रदेश सम्पर्क मञ्च बनाइनुपर्ने समूहको निष्कर्ष रहेको छ । केन्द्रीय, प्रादेशिक र स्थानीय कमिटीलाई पूर्ण समावेशी बनाउनुपर्ने, शुद्धीकरण अभियान चलाइनुपर्ने, विधान महाधिवेशनलाई नीति तथा विधान महाधिवेशन भनेर व्यवस्था गर्नुपर्ने सुझाव आएको छ ।

राजनीतिक प्रतिवेदनमा एमाले सरकारलाई परमादेशबाट हटाइएको विषयलाई लिपिवद्ध बनाउनुपर्ने, पार्टी विभाजन, महाधिवेशनपछिको अवस्था, चुनावी गठबन्धनसम्मको अवस्थालाई प्रस्ट रुपमा ल्याउनुपर्ने, सुदृढ र एकताबद्व एमाले बनाएर लैजानुपर्ने विषय सुझावमा आएका छन् ।

बागमती प्रदेशबाट समूहको निष्कर्ष सुनाउँदै नेता आनन्द पोखरेलले पार्टी र सरकारको सम्बन्धबारे स्पष्ट व्यवस्था हुनुपर्ने बताएका छन् । पोखरेलले भने, ‘पार्टीको सरकार भएपछि पार्टीको निर्देशन मान्नुपर्छ । आजको नेकपा एमाले हिजोको नेकपाको निरन्तरता हो । २ अध्यक्षको व्यवस्था हिजो एकीकरण हुँदा विभाजनसम्मकै स्थिति आयो । पार्टीको शुद्धीकरण अभियान तलसम्म लैजानुपर्छ । पार्टीलाई मजबुत बनाएर लैजान सर्कुलर मात्रै जारी गरेर हुँदैन । अब आगामी निर्वाचनलाई ध्यानमा राखेर जानुपर्छ । अहिलेसम्म ३ वटै सरकारले गरेका राम्रो कामलाई जनतासम्म लिएर अगाडि बढ्नुपर्छ ।’

पोखरेलले एमालेको आन्तरिक जीवनमा देखिएको समस्यालाई हल गरेर जानुपर्ने समेत बताए । पार्टी अनुशासन लगायतका विषयमा ध्यान दिनुपर्ने, अनुशासनको उल्लंघन हुँदा त्यसले समस्या ल्याएकाले कारबाही गर्नुपर्ने, इमान्दार कार्यकर्ताको मूल्यांकन हुनुपर्ने, फौजदारी अभियोग लागेर कारवाही भोगेका व्यक्तिलाई जिम्मेवारी दिन नहुने सुझाव दिइएको छ ।

‘सबै पार्टी कमिटीका पदाधिकारीमा अनिवार्य महिला र अरु समावेशी हुनुपर्छ,’ सुझावमा भनिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

प्रचण्डसँग मिलेर केपी ओलीले दिए कडा निर्देशन, विरोध उत्रेका सांसद के गर्लान् ?