प्रचण्डलाई सम्झिँदै यसरी पछुताउँदैछन् केपी ओली ! अन्ततः मुखै खोले
प्रचण्डलाई सम्झिँदै यसरी पछुताउँदैछन् केपी ओली ! अन्ततः मुखै खोले
काठमाडौं – सत्ताबाट बाहिरिएको प्रमुख प्रतिपक्षी दल नेकपा एमालेका अध्यक्ष केपी शर्मा ओलीले नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’सँग गत निर्वाचनमा तालमेल गरेकोप्रति पछुतो व्यक्त गरेका छन् ।
देश दौडाहाका क्रममा बर्दियाको गुलरियामा आयोजित एमालेका अगुवा कार्यकर्ता भेलालाई सम्बोधन गर्दै अध्यक्ष ओलीले ५ सिट पनि नजित्ने माओवादीसँग गठबन्धन गरेर ३६ सिट जिताउनु गल्ती भएको बताएका छन् ।
उनले प्रचण्डले सर्पले झैं दूध दिने हातलाई डसेको आरोप लगाएका छन् । अध्यक्ष ओलीले भने, ‘जुन हातले दूध दियौं, प्रचण्डले त्यहीँ हात टोके ।’
उनले पार्टी नफुटेको दाबी गर्दै २–४ जना कार्यकर्ता मात्रै बाहिरिएको र जानेहरू कुहिएर झरेका पात भएको बताए । ओलीले भने, ‘कुहिएको पात झरेर केही लछारपाटो लाग्दैन ।’
अर्को पार्टीले निष्कासन गरेका व्यक्तिको सनाखत लिएर नयाँ दल दर्ता गर्नु ज्यादती भएको उनले बताए । ‘अदालतले फैसला गर्यो भने त यिनीहरूको पार्टीले मान्यता पाउनै सक्दैन,’ ओलीले भने ।
उनले आफ्नो सरकारले गरेको काम देख्न नसकेर प्रतिगामी तत्वहरूले अदालतको सहारामा सरकार ढालेको बताएका छन् । उनले जनादेशको सरकारलाई हटाएर परमादेशको सरकार बनेकाले लामो समयसम्म अहिलेको सरकारले पूर्णता पाउन नसकेको समेत दाबी गरे ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४