काठमाडौं – संसदको सबैभन्दा ठूलो तथा प्रमुख प्रतिपक्षी दल नेकपा एमालेबाट विभाजित भएर अध्यक्ष माधवकुमार नेपाल नेतृत्वको नेकपा एकीकृत समाजवादीले छुट्टै दलको मान्यता पाएको छ ।

नेता नेपालको नेतृत्वमा एमालेका ५५ सांसदले नेकपा एकीकृत समाजवादी पार्टी दर्ता लागि दिएको निवेदनलाई निर्वाचन आयोगले सदर गरेसँगै नेपालमा नयाँ दल जन्मिएको हो ।

आयोगका आयुक्तको बुधबार साँझको बैठकले केन्द्रीय कमिटीका २० प्रतिशतभन्दा बढी सदस्यको सनाखतका आधारमा एमाले विभाजित गर्ने निर्णय गरेको जनाइएको छ ।

केही दिनअघि प्रधानमन्त्री शेरबहादुर देउवा नेतृत्वको सरकारले २० प्रतिशत सदस्यले केन्द्रीय कमिटी वा सांसदमध्ये समर्थन जनाएमा दल विभाजन गर्न पाइने अध्यादेश ल्याएका थिए । दल विभाजित भएपछि अब एकीकृत समाजवादी पार्टी देउवा नेतृत्वको सरकारमा सहभागी हुने भएको छ ।

अध्यादेशमै टेकेर आयोगले बनाएको नियमावलीका आधारमा नेकपा एकीकृत समाजवादी पार्टीलाई मान्यता दिने निर्णयमा आयोग पुगेको छ । 

निर्वाचन आयोगबाट नयाँ दलले मान्यता पाएसँगै नेता नेपालको पार्टीले संसदमा समेत संसदीय दल गठनको अवसर पाउने भएको छ । एमाले अध्यक्ष केपी शर्मा ओलीको अहंकार र दम्भबाट मुक्त भएर अब नेता नेपालले स्वतन्त्र निर्णय लिन पाउने भएका छन् ।

नेकपा एकीकृत समाजवादीको पक्षमा साविकको एमाले केन्द्रीय कमिटीका ५५ सदस्य र संसदका ३० सांसदले सनाखत गराएका थिए । यससँगै एकीकृत समाजवादी दल दर्ताको बाटो खुलेको थियो । एमालेमा आफ्नै पक्षमा रहेका अधिकांश नेताले धोका दिएपनि नेता नेपाल नयाँ दल दर्तामा सफल भएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

प्रचण्डसँग मिलेर केपी ओलीले दिए कडा निर्देशन, विरोध उत्रेका सांसद के गर्लान् ?