ओली निकट नेताहरूको यस्तो बदनाम ! महेश बस्नेतपछि शंकर पोखरेलको पालो
ओली निकट नेताहरूको यस्तो बदनाम ! महेश बस्नेतपछि शंकर पोखरेलको पालो
काठमाडौं - यतिबेला एमालेका अर्का नेता शंकर पोखरेलमाथि सांसदलाई अपहरण गर्न लगाएर बन्धक बनाएको आरोप लागेको छ ।
लुम्बिनी प्रदेश सांसद विमलाकुमाली खत्री वलीले लुम्बिनी प्रदेशका मुख्यमन्त्री पोखरेलको निर्देशनमा आफूलाई पाँच दिनसम्म मुख्यमन्त्री कार्यालयमा बन्धक बनाएको आरोप लागेको छ ।
लुम्बिनीको सत्ता टिकाउन पोखरेलले गरेको तिकडम अहिले उनकै लागि भारी भएको छ । एमालेमा पोखरेललाई बौद्धिक र भलाद्मी नेता भनेर चिनिन्छ । तर, सत्ता जोगाउन उनले केपी ओलीकै जस्तो तिकडम गरेपछि उनी विवादमा तानिएका हुन् ।
जनप्रतिनिधि एवं एकल महिलाले आफूलाई मुख्यमन्त्री निवासमा बन्धक बनाइएको र आफू शौचालयको चप्पल लगाएर भागेको पत्रकार सम्मेलन गरेरै भनेपछि पोखरेल संकटमा परेका हुन् । उनले बिहीबार राति सामाजिक सञ्जालमार्फत आफूमाथि लगाइएको आरोपको खण्डन पनि गरेका छन् ।
गत वर्ष वैशाखमा आफ्नो कुर्सी धरापमा पर्न थालेपछि प्रधानमन्त्री ओलीले भक्तपुरका सांसद महेश बस्नेत, तनहुँका सांसद किसान श्रेष्ठ र पूर्वमहानिरीक्षक सर्वेन्द्र खनाललाई तत्कालीन संघीय समाजवादी फोरमका सांसद सुरेन्द्र यादवलाई जनकपुरबाट काठमाडौं जबर्जस्ती उठाएर ल्याउन निर्देशन दिएको भन्दै समाचार आएको थियो । यो विषयले त्यसबेला ठूलै रूप लिएको थियो ।
गण्डकी प्रदेशका तत्कालीन मुख्यमन्त्री पृथ्वी सुब्बा गुरुङको सत्ता टिकाउन राजमो सांसद कृष्ण थापालाई अस्पताल भर्ना गराउन सांसद बस्नेतकै भूमिका रहेको भन्दै व्यापक आलोचना भएको थियो । तर, बस्नेतले यस्ता घटनामा आफू नजोडिएको दाबी गर्दै आएका छन् ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४