काठमाडौं – प्रमुख प्रतिपक्षी दल नेकपा एमालेका अध्यक्ष केपी शर्मा ओलीसँग विद्रोह गरेर सत्तारुढ गठबन्धनमा सहभागी भएका नेता माधवकुमार नेपालले गठबन्धन कायमै राख्ने र मजबुत बनाउने सहमति गरेका छन् ।

पार्टीभित्र एमाले अध्यक्ष ओलीसँग सहमतिको प्रयास भइरहेका बेला नेता नेपाल पहिलोपटक बालुवाटार गएर सत्तारुढ गठबन्धनको बैठकमा सहभागी भएका छन् ।

आज शनिवार साँझ बालुवाटारमा भएको गठबन्धनको बैठकमा नेता नेपाल सहभागी भएका हुन् । यसअघि नेपालले गठबन्धनको बैठकमा आफू सहभागी नभएर विश्वासपात्र विजय पौडेललाई पठाउने गरेका थिए ।

आजको गठबन्धनको बैठकमा नेता नेपाल सहभागी भएपछि ओलीसँगको एकता झन् टाढा पुगेको विश्लेषण एमालेभित्र हुन थालेको छ ।

गठबन्धनको बैठकमा प्रधानमन्त्री तथा नेपाली कांग्रेस सभापति शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’, जसपाका नेता उपेन्द्र यादव, राष्ट्रिय जनमोर्चाका अध्यक्ष चित्रबहादुर केसी सहभागी भएका छन् ।

बैठकमा गठबन्धन र सरकार दुबैलाई कसरी प्रभावकारी ढंगबाट अगाडि बढाउन सकिन्छ भन्नेबारे छलफल भएको जनाइएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

यी मन्त्रीलाई बेस्सरी हप्काउँदै माधव नेपालले भने, ‘तत्काल माफी मागिहाल्नुस्’