देउवा सरकारविरुद्ध देशभर आगो बाल्ने महेश बस्नेतको धम्की !
देउवा सरकारविरुद्ध देशभर आगो बाल्ने महेश बस्नेतको धम्की !
काठमाडौं – प्रतिनिधिसभा सांसद तथा नेकपा एमालेका नेता महेश बस्नेतले एमाले पार्टी फुटाउन प्रधानमन्त्री शेरबहादुर देउवा नेतृत्वको सरकारले अध्यादेश ल्याएमा देशभर आगो बाल्ने धम्की दिएका छन् ।
आज शनिवार युथफोर्सको भ्याली कमाण्ड घोषणा कार्यक्रममा सम्बोधन गर्दै नेता बस्नेतले अध्यादेशको प्रतिरोध गर्ने बताए ।
२०७७ बैशाखमा तत्कालीन प्रधानमन्त्री केपी शर्मा ओलीले दल विभाजन गर्न सहज हुने गरी जारी गरेको अध्यादेश एमालेलाई बलियो बनाउन ल्याइएको समेत बस्नेतले बताएका छन् ।
‘नेकपा एमाले बलियो बनाउन हामीले अध्यादेश ल्याइरहँदा हाम्रा पार्टीका माधव नेपाल र तत्कालीन नेकपाका नेता प्रचण्डलाई उचालेर त्यो अध्यादेशलाई फेल गराउने र सदनमा अध्यादेशविरुद्ध निकै चर्का र लोकतान्त्रिक भाषा बोल्ने कांग्रेसले अहिले अध्यादेश ल्यायो भने हामी त्यसको प्रतिरोध गर्नेछौं,’ बस्नेतले भनेका छन् ।
बस्नेतले एमालेका २२ जना सांसदले मन्त्रीको लोभ, ठूल्ठूला आश्वासन, फ्ल्याटदेखि घडेरीसम्मको लोभमा देउवालाई साथ दिएको आरोप समेत उनले लगाएका छन् । बस्नेतले देउवालाई भोट हाल्न अदालतले ह्वीप नलाग्ने फैसला सुनाएको बताउँदै अब मन्त्री कसरी खानुहुन्छ भन्दै प्रश्न गरेका छन् ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४