एमालेको आकस्मिक बैठक बस्दै, भीम रावलसहित यी ३३ जनालाई कारवाहीको तयारी
एमालेको आकस्मिक बैठक बस्दै, भीम रावलसहित यी ३३ जनालाई कारवाहीको तयारी
फाइल तस्वीर
काठमाडौं – नेकपा एमालेले केन्द्रीय कमिटीको आकस्मिक बैठक बोलाएको छ ।
च्यासलस्थित तुलसीलाल प्रतिष्ठानमा सोमबार बिहान ११ बजे बस्न लागेको बैठकले कारवाही सम्बन्धी निर्णय लिनसक्ने जनाइएको छ ।
अध्यक्ष केपी शर्मा ओलीले आईतबार नै आईतबारका लागि स्थायी कमिटीको बैठक र सोमबारका लागि केन्द्रीय कमिटी बैठक बोलाएका थिए ।
पार्टी कार्यालयका सचिव शेरबहादुर तामाङले केन्द्रीय कमिटीको सोमबारको बैठक विधान महाधिवेशनमा केन्द्रित हुने जानकारी दिए । समसामयिक राजनीतिबारे छलफल भए पनि बैठकको एजेण्डा विधान महाधिवेशन भएको उनले बताएका छन् ।
‘मुख्यगरी विधान महाधिवेशनमा बैठक केन्द्रित हुन्छ,’ तामाङले भने । एमालेले साउन २५–२७ गते विधान महाधिवेशन आयोजना गर्ने निर्णय गरिसकेको छ ।
प्रतिनिधि सभामा आईतबार प्रधानमन्त्री शेरबहादुर देउवालाई विश्वासको मत दिने र अनुपस्थित हुने सांसदहरूबारे समेत बैठकले अनुशासनको कारवाही गर्ने तयारी गरिएको छ । ‘हिजोको घटनाबारे पार्टीको अनुशासनको कुरा अगाडि बढ्छ,’ कार्यालय सचिव तामाङले भनेका छन् ।
नेकपा एमालेका १२१ सांसदमध्ये ३३ जनाले पार्टीको निर्णयको उल्लंघन गरेका थिए । नेता माधवकुमार नेपाल पक्षका १४ र ओली पक्षका ८ जना गरी २२ जनाले देउवालाई विश्वासको मत दिएका छन् भने नेपाल पक्षका १० जना मतदान प्रक्रियामा अनुपस्थित रहेका हुन् । सांसद भीमबहादुर रावलले मतदानअघि नै राजीनामा दिएका थिए ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४