काठमाडौं – नेकपा एमालेका अध्यक्ष केपी शर्मा ओलीको अध्यक्षतामा बसेको स्थायी कमिटी बैठक सकिएको छ ।

स्थायी कमिटी बैठकले नवनियुक्त प्रधानमन्त्री शेरबहादुर देउवालाई विश्वासको मत दिने नेताहरू एमाले पार्टीमा नरहने निर्णय गरेको छ ।

एमालेले प्रधानमन्त्री देउवालाई जस्तोसुकै परिस्थितिमा समेत समर्थन नगर्ने निर्णय गरेको पार्टी प्रवक्ता प्रदीप ज्ञवालीले जानकारी दिए । ‘उहाँ (माधव नेपाल) अब पार्टीमा फर्किनुहुन्न भन्ने हामीलाई लागेको छ,’ प्रवक्ता ज्ञवालीले भने ।

एमालेको माधव नेपाल पक्षका सांसदले प्रधानमन्त्री देउवालाई विश्वासको मत दिने तयारी गरेका छन् ।

यसअघि, सत्तारुढ दल नेकपा माओवादी केन्द्रले नेपाली कांग्रेसका सभापति तथा प्रधानमन्त्री शेरबहादुर देउवालाई एकमतले विश्वासको मत दिने निर्णय गरेको छ ।

सिंहदरबारमा बसेको माओवादीको संसदीय दलको बैठकले देउवालाई विश्वासको मत दिने निर्णय गरेको हो ।

प्रधानमन्त्री शेरबहादुर देउवाले लिन लागेको विश्वासको मतबारे छलफल गर्दै माओवादी केन्द्रले देउवालाई विश्वासको मत दिने निर्णय गरेको सांसद रामेश्वरराय यादवले बताए ।

‘बैठकले प्रधानमन्त्री शेरबहादुर देउवालाई एकमतले विश्वासको मत दिने निर्णय गरेको छ,’ उनले भने ।

दलको बैठकमा माओवादी संसदीय दलका नेता पुष्पकमल दाहाल ‘प्रचण्ड’ले पछिल्लो राजनीतिक घटनाक्रमबारे जानकारी दिएका थिए ।

गत असार २९ गतेबाट प्रधानमन्त्रीको जिम्मेवारी सम्हालेका कांग्रेस सभापति शेरबहादुर देउवाले आईतवार बस्ने प्रतिनिधि सभाको दोस्रो बैठकमा विश्वासको मत लिने कार्यसूची रहेको छ ।

फागुन २८ गतेको सर्वोच्च अदालतको फैसलापछि संसदको पहिलो बैठक आईतवार अपराह्न ४ बजे बस्दैछ । पहिलो बैठक बसेर स्थगित भएको केहीबेरमा दोस्रो बैठक बसेर विश्वासको मतबारे छलफल हुनेछ । आज आईतबारै विश्वासको मतमाथि मतदान हुने तय भएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

प्रचण्डसँग मिलेर केपी ओलीले दिए कडा निर्देशन, विरोध उत्रेका सांसद के गर्लान् ?