प्रधानमन्त्रीको ट्विटरमा गडबडी भएपछि सुर्य थापाले अर्कैलाई लगाए दोष ! ‘हामी जवाफदेही छैनौं’
प्रधानमन्त्रीको ट्विटरमा गडबडी भएपछि सुर्य थापाले अर्कैलाई लगाए दोष ! ‘हामी जवाफदेही छैनौं’
काठमाडौं – निवर्तमान प्रधानमन्त्री केपी शर्मा ओली हट्ने बित्तिकै प्रधानमन्त्रीको आधिकारिक ट्विटर ह्यान्डलमा गडबडी भएपछि धेरैले उनकै सचिवालयमाथि शंका गरेका थिए । तर ओलीका प्रेस सल्लाहकार सुर्य थापाले ट्विटरमा गडबडी हुनुमा आफ्नो कुनै दोष नभएको स्पष्ट पारेका छन् ।
सल्लाहकार थापाले ट्विटरको पासवर्ड मुख्यसचिव शंकरदास बैरागीलाई हस्तान्तरण गरिएकाले आफू जानकार र जवाफदेही नरहेको दाबी समेत गरे ।
सल्लाहकार थापाले ट्विटरमा लेखेका छन्, ‘प्रधानमन्त्रीको आधिकारिक ट्वीटर ह्यान्डलको पासवर्ड असार २९ गते नै मुख्यसचिव शंकरदास बैरागीलाई हस्तान्तरण गरिएको थियो । प्रधानमन्त्री कार्यालय वा नयाँ प्रधानमन्त्रीको सचिवालयबाट त्यसको प्रयोगका सम्बन्धमा के कसो भए गरेको हो ? त्यस पक्षमा हामी जानकार तथा जवाफदेही दुवै छैनौं । प्रधानमन्त्रीको आधिकारिक ह्यान्डल राष्ट्रिय सम्पत्ति हो, यसको संरक्षण र निरन्तरता हुनुपर्नेमा हामी स्पष्ट छौं ।’
शुक्रबार दिउँसो प्रधानमन्त्रीको आधिकारिक ट्विटर ह्वान्डलबाट भेरिफाइड चिह्न हटेको छ भने फलोअर्स पनि हटेका छन् । प्रधानमन्त्री कार्यालयले यसबारे कुनै आधिकारिक जानकारी सार्वजनिक गरेको छैन ।
नवनियुक्त प्रधानमन्त्री शेरबहादुर देउवाले आफ्नै निजी ट्विटर ह्यान्डलबाट सूचना र जानकारी प्रवाह गरिरहेका छन् ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४