काठमाडौं – केन्द्रीय राजनीतिमा नेकपा एमालेका अध्यक्ष केपी शर्मा ओलीका कदम बदनाम र असंवैधानिक भइसकेको अवस्थामा उनकै गुटका नेता तथा लुम्बिनी प्रदेशका मुख्यमन्त्री शंकर पोखरेल ओलीकै बाटोमा हिँडेका छन् ।

मुख्यमन्त्री पोखरेलले लुम्बिनी प्रदेश सभाको आठौं अधिवेशन मध्यरातमा अन्त्य गराएका छन् । बिहीबारको बैठकमा बजेटलाई निर्णयार्थ पेश हुन नदिएर मुख्यमन्त्री पोखरेलले मध्यराति अधिवेशन नै अन्त्य गरेका हुन् ।

प्रदेश सरकारको सिफारिसमा प्रदेश प्रमुख धर्मनाथ प्रसाद यादवले बिहीबार मध्यराति १२ बजेदेखि प्रदेश सभाको चालू आठौं अधिवेशन अन्त्य गरेका छन् ।

लुम्बिनी प्रदेश प्रमुखको कार्यालयका प्रवक्ता चिरञ्जीवि पौडेलले नेपालको संविधानको धारा १८३(२) बमोजिम बिहीवार राति १२ बजेदेखि अधिवेशन अन्त्य भएको विज्ञप्तिमार्फत् जनाएका छन् ।

यसअघि बिहीवार आर्थिक वर्ष २०७८/०७९ को बजेट विधेयक पारित गर्न निर्णायार्थ पेश गर्नुअघि सत्तापक्षका सांसदहरु सदन छाडेर हिँडेपछि बैठक प्रभावित भएको थियो ।

बजेटमाथि प्रदेशसभा सदस्यहरुले राखेका प्रश्नको विभागीय मन्त्री र मुख्यमन्त्रीले जवाफ दिएपछि बजेट  पास गर्ने समयमा विपक्षी दलका सांसदहरुले बहुमत नभएकाले बजेट पास नहुने बताएका थिए । बजेटमाथि छलफल गरेर सहमति जुटाउन एमाले प्रमुख सचेतक भूमिश्वर ढकालले समय माग गरेपनि सभामुखले समय उपलब्ध नगराएपछि एमालेका सांसदहरु प्रदेशसभा बैठकबाट बाहिरिएका बताइएको थियो ।

बिहीबार बैठक बस्न नसकेपछि प्रदेशसभा सचिवालयले प्रदेशसभा बैठक आज शुक्रवार दिउँसो १ बजेसम्मका लागि स्थगित गरेको थियो । तर मध्यराति नै अधिवेशन अन्त्य गरिएपछि अब बैठक नबस्ने भएको छ ।

विपक्षी दल नेकपा माओवादी केन्द्र संसदीय दलका नेता कूलप्रसाद केसीले अल्पमतमा रहेको सरकारले सदन फेस गर्नुको सट्टा षड्यन्त्रको खेलमा लागेको बताएका छन् । 

हाल ८३ सदस्यीय प्रदेश सभामा एमालेका ३८ र जनता समाजवादी दलको महन्थ ठाकुर पक्षका ३ जना गरी ४१ जना सांसद पोखरेलको पक्षमा रहेका छन् ।

विपक्षी गठबन्धनमा नेपाली कांग्रेसका १९, माओवादी केन्द्रका सभामुखसहित १७, जसपा उपेन्द्र यादव पक्षका ३ जना, राष्ट्रिय जनमोर्चाका १ र एमालेबाट निर्वाचित बिमला वली गरी ४१ जना सांसद नै रहेका छन् ।

प्रदेश सभामा मत बराबर भएमा सभामुखले निर्णायक मत दिन पाउने संवैधानिक व्यवस्था रहेकाले उनको मत पाउँदा विपक्षी गठबन्धनको मत ४२ पुग्ने देखिएको छ । यस्तो अवस्था देखेपछि मुख्यमन्त्री पोखरेलले संसद अधिवेशन नै अन्त्य गरेर निरंकुश बन्न खोजेको विपक्षीको आरोप छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

प्रचण्डसँग मिलेर केपी ओलीले दिए कडा निर्देशन, विरोध उत्रेका सांसद के गर्लान् ?