काठमाडौं – सत्तारुढ दल नेकपा एमालेको कार्यदलका सदस्यहरुबीच बिहीवार एकता प्रक्रिया टुंगो लगाउने भन्दै दिनभर नै दौडधुप भयो ।

अध्यक्ष केपी शर्मा ओली र वरिष्ठ नेता माधवकुमार नेपालबाट संयुक्त रुपमा एकताको सन्देश दिने तयारी कार्यदलको थियो ।

त्यहीअनुरूप गृहकार्यमा दुबै पक्ष जुटे पनि । बिहान आधा घण्टामा कार्यदलको बैठक स्थगन गरी बेलुका ७ बजे बसेर टुंग्याउने सहमति भएको थियो ।

सहमतिको खाका तयार भयो । कार्यदलका सबै सदस्य पनि सहमत भए । दुबै पक्षका नेताले बिहीवार निष्कर्षमा पुग्ने दाबी गरेका थिए । अध्यक्ष ओली र वरिष्ठ नेता नेपालमार्फत एकताको घोषणा गराउने भनिरहेका थिए । 

नेपाल पक्षका नेता एकता निष्कर्षमा पुग्ने विषयमा अझ उत्साहित भएका थिए । नेता गोकर्ण विष्ट र सुरेन्द्र पाण्डे एकता निष्कर्षमा पुगेको भन्दै अभिव्यक्ति दिइरहेका थिए ।

कार्यदल संयोजक भीम रावल पनि छिट्टै टुंगोमा पुग्नेमा विश्वस्त थिए । संस्थापन पक्षका कार्यदल संयोजक सुवासचन्द्र नेम्वाङ बिहीवारै निष्कर्ष पुग्ने जोडबल भइरहेको बताइरहेका थिए ।

कार्यदलकै प्रयासमा बुधवार साँझ अध्यक्ष ओली र नेपालबीच भेटवार्ता गराइएको थियो । 

कार्यदलले ४ दिनदेखि दिनहुँ बैठक बसेर एकताको प्रयास गरिरहेको थियो तर बिहीवार साँझ एकता घोषणा हुने भन्ने विषय एकाएक स्थगन भएको छ । शक्ति बाँडफाँटका विषयमा कुरा नमिलेपछि एकताको घोषणा हुन नसकेको स्रोतले बतायो ।

भेटवार्तामा नेपालले ओलीसमक्ष आगामी दिनमा हुने हरेक निर्णय २ नेताबीचको सहमतिमा हुनुपर्ने, पार्टीमा महत्त्वपूर्ण जिम्मेवारी आफूलाई दिनुपर्नेलगायत विषयमा ठोस सहमति हुनुपर्ने प्रस्ताव गरेको बताइएको छ ।

कार्यदल तहमा सबै तहका पार्टी र जनसंगठनका कमिटीहरू सम्पूर्ण हिसाबले पूर्ववत् अवस्था (०७५ जेठ २ गते) मा फर्काएर क्रियाशील रहने भन्ने विषयमा सहमति भइसकेको छ । एमाले र माओवादी केन्द्रबीच एकताका समयमा थपिएका ३८ जना र माओवादी केन्द्रबाट आएका रामबहादुर थापा ‘बादल’सहित २३ जना व्यवस्थापनका विषयमा भाषा मिलाउनेबाहेक सहमति भइसकेको छ । 

संस्थापन पक्षका कार्यदल संयोजक नेम्वाङले आफूलाई शक्ति बाँडफाँटको विषय थाहा नभएको बताएका छन् । ‘कार्यदलमा त्यो विषय नै आएको छैन, यो अनावश्यक हल्ला मात्रै हो,’ नेम्वाङले भने ।  

बैठकपछि कार्यदल सदस्य एवं एमाले उपमहासचिव घनश्याम भुसालले १० दिनयता खासै प्रगति नभएको बताइदिएर एकता आशामा रहेका कार्यकर्तालाई निराश बनाइदिए । भुसालले भने, ‘पहिला जे थियो त्यही नै छ । अनौपचारिक छलफल गरेर हामीले १० दिन अगाडि केही एजेण्डाहरु तय गरेका थियौं । गएको १० दिनदेखि हामीले विभिन्न कारणले खास, ठोस, मूर्त योगदान गर्न सकेका छैनौं ।’

नेम्वाङले ३ वर्षदेखिको विवादलाई ९–१० दिनमा यो अवस्थामा ल्याइपुर्‍याउनु पनि ठूलो कुरा भएको बताएका छन् । उनले भने, ‘शुक्रवार टुंगोमा पुग्नेमा आशावादी छौं ।’

नेता भुसालको १० दिनदेखि जहाँको त्यही रहेको भनी दिएको प्रतिक्रियाका सम्बन्धमा नेम्वाङले त्यो पनि सही भएको बताए । ‘निष्कर्षमा नपुग्दासम्म स्थिति यस्तै छ,’  उनले भने ।

नेम्वाङले प्रगति हुन नसके पनि शुक्रवार बिहान साढे ११ बजेपछि बस्ने बैठकले सकारात्मक निष्कर्ष निकाल्ने विश्वास व्यक्त गरे । संस्थापन पक्षका नेम्वाङ, विष्णु पौडेल, प्रदीपकुमार ज्ञवाली, शंकर पोखरेल, विष्णु रिमाल छन् भने नेता नेपाल पक्षबाट भीम रावल, सुरेन्द्र पाण्डे, गोकर्ण विष्ट, रघुजी पन्त, घनश्याम भुसाल रहेका छन् । आजको अन्नपूर्ण पोस्ट दैनिकमा समाचार प्रकाशित छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

प्रचण्डसँग मिलेर केपी ओलीले दिए कडा निर्देशन, विरोध उत्रेका सांसद के गर्लान् ?