विद्या भण्डारीलाई राष्ट्रपति बनाएकोमा एमालेभित्रै पछुतो ! गलत मान्छे भएको ठहर
विद्या भण्डारीलाई राष्ट्रपति बनाएकोमा एमालेभित्रै पछुतो ! गलत मान्छे भएको ठहर
काठमाडौं – सत्तारुढ दल नेकपा एमालेकी केन्द्रीय सदस्य रामकुमारी झाँक्रीले गलत मान्छे विद्यादेवी भण्डारीलाई राष्ट्रपति बनाउँदा अहिलेको अवस्था आएको दाबी गरेकी छन् ।
विपक्षी गठबन्धनमा रहेका ५ राजनीतिक दलका विद्यार्थी संगठनले राजधानीमा आयोजना गरेको अन्तर्क्रियामा नेत्री झाँक्रीले आफूले त्यतिबेलै विद्यादेवी भण्डारीलाई राष्ट्रपति बनाउन नहुने सुझाव दिएको भए पनि नेतृत्वले नमान्दा संविधानको संरक्षण नभएको बताएकी छन् ।
झाँक्रीले प्रधानमन्त्री केपी शर्मा ओली र राष्ट्रपति भण्डारीका कारण संविधानमाथि खतरा भएको आरोप लगाएकी छन् ।
‘हामीले यी व्यक्तिलाई राष्ट्रपति बनाउन हुँदैन, लोकतन्त्र गणतन्त्रको गरिमा कायम राख्नै सक्दैन भनेर त्यही बेला आन्तरिक हिसाबले भनेका थियौं । तर त्यो कुरा मानिएन । एउटै पार्टीभित्र पनि फरक विचार समूह छ भने चेक एण्ड ब्यालेन्स हुनुपर्छ भनेका थियौं,’ उनले भनिन् ।
प्रधानमन्त्री ओली र राष्ट्रपति भण्डारी मिल्दा संविधानमाथि हस्तक्षेप भएको उनले बताइन् । ‘आज हेड अफ द स्टेट र हेड अफ देक एक्जुकेटिभ मिल्दा संविधान च्यातचुत भएन ? लाखौं–हजारौंका सपनामाथि तुषारापात भएन ?’ झाक्रीले भनिन् ।
कुनै व्यक्तिको सत्ता निरन्तरता दिन पार्टी विघटन गरेको उनले आरोप लगाइन् । झाँक्रीले प्रतिनिधिसभा पुनःस्थापन भए पनि राजनीतिक स्थायित्व नहुने भन्दै अहिले निर्णायक बेला भएको बताएकी छन् ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४