एमालेले गर्यो संसदमा हंगामा
एमालेले गर्यो संसदमा हंगामा
काठमाडौं – विवाद चर्किएको नेकपा एमाले केन्द्रीय कमिटीमा सहमतिको प्रयास भइरहेका बेला कर्णाली प्रदेशसभा संसदको आठौं अधिवेशनको चौधौं आन्तरिक विवादलाई लिएर एमालेले हंगामा मच्चाएको छ ।
एमालेभित्र विद्रोह गरी सरकारमा सहभागी मन्त्रीका विषयमा नेकपा एमालेले प्रदेशसभा बैठक अवरुद्ध गरेको छ ।
कर्णाली प्रदेश सरकारमा सहभागी मन्त्रीलाई हटाउन माग गर्दै एमालेले प्रदेशसभा बैठक अवरुद्ध गरेको छ ।
विगत लामो समयदेखि एमालेले ‘फ्लोर क्रस’ गरेर मन्त्री बनेका अम्मरबहादुर थापा, कुर्मराज शाही र नन्दसिंह बुढाको राजीनामा माग गर्दै संसद अवरुद्ध गर्दै आएको छ ।
असार १ गते कर्णाली प्रदेश सरकारले आगामी आर्थिक वर्षको नीति तथा कार्यक्रम सहितको बजेट संसद्मा पेश भएपनि एमालेका कारण बजेटमाथि छलफल हुन सकेको छैन ।
आज शुक्रवारको संसद बैठक सुरू हुनासाथ एमालेका सांसदहरुले उठेर बैठक अवरोध गरेका थिए । बैठकमा बोल्दै एमालेका सांसद दानसिंह परियारले सरकारमा सामेल भएका एमालेका मन्त्रीहरुले राजीनामा दिनुपर्ने माग गरेका छन् ।
सांसद परियारले भने, ‘उहाँ एमाले भएको जिकिर गर्नुहुन्छ । अदालतमा आफैं जानुहुन्छ । एमाले सरकारमा सामेल भएको छैन ।’
सभामुख राजबहादुर शाहीले लामो समयदेखि छलफल रोकिएको भन्दै बजेटमाथि छलफल गर्न आग्रह गरेका थिए । एमालेका सांसदहरुलाई आफ्नो आसनमा बस्न आग्रह गर्दा पनि नमानेपछि सभामुख शाहीले अर्को बैठक २४ असार दिउँसो २ बजेका लागि बोलाएका छन् ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४