काठमाडौं - माधवकुमार नेपाल एमालेबाट निष्कासित वरिष्ठ नेता । पूर्वप्रधानमन्त्रीसमेत रहेका नेपालले पछिल्लो समय एमाले अध्यक्षसमेत रहेका प्रधानमन्त्री केपी ओलीको साथ छाडेका छन् । 

गत पुस ५ गते ओलीले एक्कासि प्रतिनिधिसभा विघटन गरेपछि नेपाल असन्तुष्ट भएका हुन् । झन्डै दुईतिहाइ बहुमत प्राप्त सरकारको नेतृत्व गरेका ओलीले नेकपा एकता कायम राख्न नसकेको, संसदमा बहुमत गुमाएको, एमालेलाई एकढिक्का राख्न नसकेको, संविधानविपरीत चलेको, सरकार र संवैधानिक निकायमा खल्तीका मान्छे भर्ना गर्न थालेपछि माधव नेपाल अहिले विपक्षी गठबन्धनमा जोडिएका छन् । र, ओलीविरुद्ध सशक्त ढंगले प्रहार गरिरहेका छन् ।

आफू संकटमा पर्न थालेपछि ओलीले माधव नेपाल पक्षका नेताहरू फकाउने कसरत गरिरहेका छन् । तर, सकिरहेका छैनन् । नेपालविनाको एमाले चलाउन सक्ने अवस्थामा ओली पनि देखिएका छैनन् । नेपालले एमालेलाई ०७५ जेठ २ गतेको अवस्थामा लैजान अडान राखेपछि ओली संकटमा परेका हुन् । 

वरिष्ठ नेता माधव नेपाल (जसलाई ओली पक्षले साधारण सदस्य समेतबाट हटाएको छ) लाई अहिले कसरी फकाउने  र अदालतमा रहेको मुद्दा कमजोर बनाउने नभए, संसद पुर्नस्थापना भयो भने के गर्ने भन्ने भयबाट अहिले ओली पक्ष बढी तरंगित हुन थालेको छ । तर, माधव नेपाल भने निरन्तर ओलीमाथि प्रहार गर्न रोकिएका छैनन् । कतिसम्म भने बालुवाटारबाट आफूलाई प्रधानमन्त्रीको अफर पनि आएको उनले मिडियासँग खोलिदिए ।

यसरी अहिले माधव नेपाल ओलीविरुद्ध निकै कन्फिडेन्टका साथ किन बोलिरहेका छन् भन्ने विषयबारे चर्चा परिचर्चा हुन थालेको छ । कतै माधव नेपाल चुनावी सरकारका प्रधानमन्त्री त बन्न गइरहेका छैनन् भन्ने प्रश्नसमेत उठ्न थालेको छ । तर, उनले
आफू धोका दिने प्रवृत्तिको मान्छे नभएको भन्दै प्रधानमन्त्रीको प्रस्ताव त्याग गरिसकेको बताएपछि भने ओलीविरुद्ध सशक्त मोर्चा चुनावसम्मै कायम हुने देखिएको छ ।

‘माधव नेपाललाई प्रधानमन्त्रीको अफर आउँछ भन्ने होइन, आइसक्यो । शेरबहादुरजीलाई विचैमा पत्तासाफ गर्नुस्, तपाई भइहाल्नुस् । यस्तै प्रस्ताव आईसकेको थियो,’ नेता नेपालले  भने, ‘माधव नेपाल धोका दिने मान्छे होइन । जुन प्रक्रिया अगाडि बढेको छ, त्यहाँ धोका दिने पक्षमा छैन । हस्ताक्षर फिर्ता लिने पक्षमा छैन ।’

राष्ट्रियता, संविधान, संघीय लोकतान्त्रिक गणतन्त्र र समावेशीता बचाउन पाँच दलीय गठबन्धन बनेको र त्यसैमा आफू पनि उभएिको अनुभव सुनाएका नेता नेपालले आफूमा कन्फिडेन्स बढेको बताउनुले यसपटक ओली निकै समस्यामा परेका छन् भन्ने बुझ्न सकिन्छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

यी मन्त्रीलाई बेस्सरी हप्काउँदै माधव नेपालले भने, ‘तत्काल माफी मागिहाल्नुस्’