काठमाडौं – प्रमुख प्रतिपक्षी दल नेपाली कांग्रेसको १४ औं महाधिवेशन नजिकिँदै गर्दा अधिकांशको आकर्षण युवा उम्मेदवारप्रति छ । सभापतिमा नयाँ अनुहार आउनुपर्ने बहस चलिरहेका बेला महामन्त्री पदमा समेत धेरैको चासो छ ।

महामन्त्री पदमा ७ जना चर्चित युवाहरू उम्मेदवार बन्नसक्ने देखिएको छ । तर तीमध्ये गगनकुमार थापा र विश्वप्रकाश शर्मालाई धेरैले रुचाउने गरेका छन् ।

महामन्त्री पदमा २ जना भिड्दा एक जना हार्नुपर्ने होला भनेर धेरैले सोच्ने गर्छन् तर यसपालि गगन र विश्वप्रकाश दुबैले एकैपल्ट जित्नसक्ने प्रावधान नेपाली कांग्रेसको विधानमा रहेको छ ।

नेपाली कांग्रेस केन्द्रीय कार्यसमितिमा २ जना महामन्त्री हुने भएपनि यसपालिदेखि दुबै महामन्त्री चुनावबाट निर्वाचित गर्ने व्यवस्था गरिएको छ । यसअघि १ महामन्त्री निर्वाचनबाट र १ महामन्त्री सभापतिले मनोनित गर्ने व्यवस्था रहेको थियो । यसपालि दुबै महामन्त्री चुनावबाटै निर्वाचित हुने भएकाले महाधिवेशन प्रतिनिधिको भोट पाउन सकेमा गगन र विश्वप्रकाश दुबै एकैपल्ट महामन्त्री बन्न सक्नेछन् ।

यस्तो बेला महामन्त्री पदका सम्भावित आकांक्षीबारे नेपाली कांग्रेसका चर्चा सुरु भएको छ । गगन र विश्वप्रकाशसँगै प्रदीप पौडेललाई समेत महामन्त्रीमा आकांक्षीका रूपमा हेरिएको छ ।

नेताहरु धनराज गुरुङ, जीवन परियार, चन्द्र भण्डारी, सरिता प्रसाई, कल्याण गुरुङ समेत कांग्रेसमा पदाधिकारीका आकांक्षी छन् । 

कांग्रेसमा युवाभन्दा बढी समय राजनीति गरेका रामशरण महत, मिनेन्द्र रिजाल, प्रकाशशरण महत, रमेश लेखकले पनि महामन्त्रीमा प्रतिस्पर्धा गर्ने सम्भावना रहेको चर्चा छ ।

महाधिवेशनमा उम्मेदवारी दिँदा कुन प्यानलको सभापतिले कुन महामन्त्रीलाई रोज्छन् र उम्मेदवार बनाउँछन् भन्ने हेर्न बाँकी छ ।

आगामी भदौमा हुने महाधिवेशनका लागि सभापतिका प्रतिस्पर्धीले दौडधुप सुरू भएको छ । सभापति शेरबहादुर देउवा, वरिष्ठ नेता रामचन्द्र पौडेल, पूर्व महामन्त्री कृष्णप्रसाद सिटौला, उपसभापति बिमलेन्द्र निधि, महामन्त्री डा. शशांक कोइराला, केन्द्रीय सदस्य डा. शेखर कोइराला, नेता प्रकाशमान सिंह लगायत आकांक्षी देखिएका छन् ।

देउवा र निधिले प्रचारप्रसार र छलफललाई घनिभूत बनाएका छन् । वरिष्ठ नेता पौडेलले समेत आफ्नो पक्षभित्र छलफल अगाडि बढाएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

काठमाडौंका सडक र यातायात सुधार्न गगनका चार सुझाव, छक्क परे मन्त्री नेम्वाङ

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण