काठमाडौं – टिप्परको ठक्करबाट नेपाली कांग्रेस धनकुटाका सचिव कृष्ण थापाको निधन भएको छ ।

धनकुटाबाट झापा जाने क्रममा आईतबार साँझ ७ः४० बजेतिर मोरङको विराट चोकमा टिप्परले मोटरसाइकललाई ठक्कर दिँदा थापासहित २ जनाको निधन भएको हो ।

दुर्घटनामा धनकुटाको पाख्रिबासका ५० वर्षीय कृष्णबहादुर थापा र सुनसरीको इटहरी उपमहानगरपालिका–४ का अन्दाजी ३५ वर्षीय दीपु शाहको मृत्यु भएको छ ।

थापा नेपाली कांग्रेस धनकुटाका जिल्ला सचिव थिए भने शाह बेलबारीस्थित एनएमबी बैंक शाखा कार्यालयका कर्मचारी थिए ।

दुर्घटनामा परेका थापाका भाइ २७ वर्षीय भीमबहादुर थापा गम्भीर घाइते छन् । उनलाई थप उपचारका लागि बीपी कोइराला स्वास्थ्य विज्ञान प्रतिष्ठान धरानले विराटनगरको विराट नर्सिङ होममा पठाएको छ ।

दुर्घटनामा परेको को३६प ५९७९ नम्बरको मोटरसाइकलका कृष्णबहादुर आफैंले चलाएका प्रहरीले जनाएको छ ।

ईलाका प्रहरी कार्यालय बेलबारीका अनुसार पूर्वपश्चिम राजमार्गमा पर्ने सुन्दरहरैंचा नगरपालिका–९ विराट चोकमा पश्चिमबाट पूर्वतर्फ जाँदै गरेको टिप्परले विपरित दिशाबाट आउँदै गरेको मोटरसाइकललाई ठक्कर दिएको हो ।

टिप्परको ठक्करबाट बेलबारीबाट इटहरीतर्फ आउँदै गरेको शाह सवार को२९प ९५५० नम्बरको मोटरसाइकल अनियन्त्रित भइ दुर्घटनामा परेको हो । थापा चढेको मोटरसाइकल समेत सँगै दुर्घटना भएको प्रहरीले जनाएको छ ।

दुवै जनाको उपचारका क्रममा बीपी कोइराला स्वास्थ्य विज्ञान प्रतिष्ठान धरानमा आईतवार राति ९ः३० बजेतिर मृत्यु भएको प्रहरीले जनाएको छ ।

जिल्ला सचिव थापाको अन्त्येष्टि सोमबारै मुलघाटस्थित तमोर नदीमा गरिने नेपाली कांग्रेस धनकुटाले जानकारी दिएको छ ।

पार्टी सचिवको निधन भएको शोकमा नेपाली कांग्रेस धनकुटा र मातहतका सबै कार्यसमितिको पार्टी कार्यालयमा झण्डा झुकाएर ३ दिनसम्म कार्यालय बन्द रहने नेपाली कांग्रेस धनकुटाका सचिव विजय सन्तोषी राईले जानकारी दिए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग