काठमाडौं – नेपाली कांग्रेसबाट निर्वाचित गण्डकी प्रदेशका मुख्यमन्त्री कृष्णचन्द्र नेपाली पोखरेल सरकार भएको अनुभूति दिँदै विपद्का बेला जनताको घरदैलोमा पुगेका छन् ।

हिमाल पारीको जिल्ला मनाङका विभिन्न स्थानमा बाढीपहिरोबाट प्रभावित परिवारका लागि राहत बोकेर मुख्यमन्त्री पोखरेल जनताको घरदैलोमै पुगेका हुन् ।

नेपाली सेनाको हेलिकप्टरमा मुख्यमन्त्री पोखरेल, मन्त्री राजीव गुरुङ (दिपक मनाङे), सांसद, उच्च पदस्थ कर्मचारी लगायतको टोली प्रभावित क्षेत्रमा पुगेको हो । राहत सामग्री बोकेर मुख्यमन्त्री नै घरदैलोमा आएपछि जनताले सरकार भएको अुनुभूति गरेका छन् । कांग्रेसको सरकार गठन हुनुअघि कम्युनिस्ट शासनमा मुख्यमन्त्रीहरू प्रदेश राजधानी पोखराबाहिर खासै जाने गरेका थिएनन् ।

मुख्यमन्त्री पोखरेलको नेतृत्वमा बसेको प्रदेशको बैठकले प्रदेशस्तरीय विपद् कोषमा तत्कालका लागि ५ करोड रुपैयाँ राख्ने निर्णय समेत गरेको छ । पछिल्ला दिनमा प्रदेश अन्तर्गतका जिल्लामा अविरल वर्षासँगै ठाउँठाउँमा क्षति भइरहेका विवरण आएकाले उद्धार, राहत र व्यवस्थापनका लागि प्रदेश सरकारबाट कोषमा रकम राख्ने निर्णय गरिएको छ ।

गण्डकी प्रदेशका मुख्यमन्त्री कृष्णचन्द्र नेपाली पोखरेलको अध्यक्षतामा बिहीबार बसेको गण्डकी प्रदेशस्तरीय प्रदेश विपद् व्यवस्थापन कार्यकारी समितिको बैठकले उद्धार, उपचार र राहत वितरणमा सरकारी संयन्त्र परिचालन गर्ने निर्णय गरेको छ ।

बैठकमा मुख्यमन्त्री पोखरेलले प्रदेश र जिल्लास्थित सुरक्षाकर्मी, जनप्रतिनिधि, सरकारी तथा गैरसरकारी कार्यालयलाई विपद्को अवस्थामा तत्काल उद्वार तथा सहयोगमा लाग्न र पूर्व तयारीमा रहन निर्देशन दिएका छन् ।

वर्षाका कारण अवरुद्व सडक तत्काल मर्मत गरी सञ्चालनमा ल्याउन भौतिक तथा पूर्वाधार मन्त्रालयलाई बजेट प्रबन्ध मिलाउन समेत मुख्यमन्त्री पोखरेलले निर्देशन दिएका छन् ।

मुख्यमन्त्री पोखरेलले पदबहाली भएकै दिनमा विपद् पूर्व तयारी तथा प्रतिकार्य योजना तत्काल निर्माण गरी कार्यान्यवनमा ल्याउन निर्देशन दिएका थिए । सरकारले प्रदेशका ९ जिल्लाका लागि १०/१० लाख रुपैयाँ, मनाङ र मुस्ताङका लागि २/२ लाख रुपैयाँ पठाएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग