काठमाडौं – नेकपा एमालेका महासचिव ईश्वर पोखरेलले काठमाडौंको नर्भिक अस्पतालमा उपचार गराइरहेका पूर्व प्रधानमन्त्री झलनाथ खनाललाई भेटेर स्वास्थ्य अवस्थाबारे जानकारी लिएका छन् ।

पोखरेलका प्रेस संयोजक गणेश पाण्डेले महासचिव पोखरेलले नेता खनाललाई भेटेर स्वास्थ्य अवस्थाबारे जानकारी लिएका बताएका छन् ।

भेटवार्ताको क्रममा नेता खनालले ईश्वर पोखरेलसँग भावुक कुरा गरेका छन् । सामान्य अवस्थामा रहँदा प्रधानमन्त्री केपी शर्मा ओली र उनको पक्षका कटु आलोचक मानिने खनालले पार्टी मिलाउन पोखरेलसँग आग्रह गरेका हुन् ।

संयोजक पाण्डेले फेसबुकमा लेखेका छन्, ‘नेकपा एमालेका महासचिव एवं पूर्व उपप्रधानमन्त्री ईश्वर पोखरेलले पार्टीका वरिष्ठ नेता एवं पूर्व प्रधानमन्त्री झलनाथ खनाललाई भेटेर उहाँको स्वास्थ्य अवस्थाबारे जानकारी लिनुभयो । भेटमा नेता खनालले महासचिव पोखरेललाई ‘तपाईंले पार्टी मिलाउनुस् कमरेड !’ भनेर आग्रह गर्नुभयो । शीघ्र स्वास्थ्य लाभको कामना गर्दै महासचिव पोखरेलले ‘तपाईं छिट्टै निको भएर आउनुस् अनि सल्लाह गरौं’ भन्नुभयो ।’

नेता खनाल उपचाररत नर्भिक इन्टरनेसनल अस्पताल स्रोतका अनुसार उनको प्रोस्टेट ग्रन्थी र मिर्गौलामा समस्या देखिएको छ । प्रोस्टेट पिसाब फेर्ने प्रक्रियासँग सम्बन्धित समस्या हो ।

हालै कोरोना भाइरस संक्रमण निको भएर घर फर्किएका खनाल पुनः अस्वस्थ भएपछि केही दिनअघि नर्भिक अस्पतालमा भर्ना गरिएको थियो । नर्भिकमा उपचार भइरहेकै बेला थप प्रभावकारी उपचारका लागि विदेश लैजाने तयारी भइरहेको छ ।

खनालको थप उपचारका लागि भारतको राजधानी नयाँदिल्ली लैजाने तयारी भइरहेको स्रोतले जनाएको छ । दिल्लीको अपोलो अस्पतालमा खनालको उपचार हुने जनाइएको छ । अपोलोमा खनालको नियमित उपचार हुँदै आएको हो ।

अपोलो अस्पतालका चिकित्सकसँगको परामर्श अनुसार उनलाई थप उपचारका लागि दिल्ली लगिन लागेको जनाइएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

ईश्वर पोखरेलले प्रचण्डलाई बोकाए ठूलो दोषको भारी !

हेलिकप्टरबाट लिपुलेक घुमेपछि सीमा अतिक्रमणबारे बोल्नै छाडे ईश्वर पोखरेल

सबै मन्त्रीका सामुन्ने केपी ओलीले ईश्वर पोखरेललाई झपारेपछि ...

अब लकडाउनको मोडालिटी कस्तो हुन्छ ? यस्तो छ उपप्रधानमन्त्री पोखरेलको तर्क

प्रधानसेनापतीले प्रधानमन्त्रीसँग रक्षामन्त्रीको पोल लगाएपछि खैलाबैला

कम्युनिस्ट सरकारले दियो रक्षामन्त्री पोखरेलका सम्धीलाई बम्फ़र उपहार !