काठमाडौं – प्रतिनिधिसभा संसद विघटनसम्बन्धी मुद्दाको सुनुवाइका लागि सर्वोच्च अदालतको संवैधानिक इजलासमा बस्ने ४ जना एमिकस क्युरी (अदालतका सहयोगी) को नाम टुंगो लागेको छ ।

आज मंगलवार नेपाल बार एसोसिएसन र सर्वोच्च अदालत बार एसोसिएसनले २/२ जना जना वरिष्ठ अधिवक्ताको नाम एमिकस क्युरीका लागि टुंग्याएको हो ।

नेपाल बारको तर्फबाट वरिष्ठ अधिवक्ता राघवलाल वैद्य र उषा मल्ल पाठकलाई एमिकस क्युरीमा पठाइएको अध्यक्ष चण्डेश्वर श्रेष्ठले बताए । वैद्य पूर्व महान्यायाधिवक्ता हुन्, उनी नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले आफू प्रधानमन्त्री भएका बेला वैद्यलाई महान्यायाधीवक्ता नियुक्त गरेका थिए । वैद्यले महान्यायाधीवक्ताको रूपमा प्रचण्डलाई २०६५ भदौ ५ गतेदेखि २०६६ जेठ ११ गतेसम्म सघाएका थिए ।

एमिकस क्युरीमा छानिएका अर्का वरिष्ठ अधिवक्ता पाठक नेपाल बारका पूर्व उपाध्यक्ष रहेका छन् ।

सर्वोच्च अदालत बार एसोसिएसनले समेत मंगलवार नै २ जना वरिष्ठ अधिवक्तालाई एमिकस क्युरीको रूपमा छानेको छ । बारका सचिव ऋषिराम घिमिरेले वरिष्ठ अधिवक्ता कोमलप्रकाश घिमिरे र प्रकाशबहादुर केसीको नाम छानिएको बताए ।

गत जेठ ७ गते प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीबाट प्रतिनिधिसभा विघटन भएपछि त्यसविरुद्ध सर्वोच्च अदालतमा मुद्दा विचाराधीन रहेको छ ।

मुद्दामा प्रधानन्यायाधीश चोलेन्द्रशमशेर जबरा, न्यायाधीश दीपककुमार कार्की, मीरा खड्का, ईश्वरप्रसाद खतिवडा र डा. आनन्दमोहन भट्टराईको इजलासले नेपाल बार एसोसिएसन र सर्वोच्च अदालत बार एसोसिएसनबाट २/२ जना एमिकस क्युरीको सहयोग लिने आदेश गरेको थियो ।

बारले प्रचण्ड समेत रिट निवेदक रहेको मुद्दामा प्रचण्डकै खास वरिष्ठ अधिवक्तालाई सहयोगीको रूपमा पठाएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

प्रचण्ड नै पत्याएनन् केपी ओलीको नीति, तत्कालै यस्तो दिए प्रतिक्रिया

बालुवाटारमै केपी ओलीलाई ठूलो धक्का, सचिवालय बैठकमा प्रचण्डको अडानले तुहियो भित्रि योजना !