राजनीतिक विशेष
डेन्जर जोनमा शंकर पोखरेल र शेरधन राई, ओलीलाई झड्का दिँदै विपक्षी गठबन्धनले झण्डा गाड्ने !
डेन्जर जोनमा शंकर पोखरेल र शेरधन राई, ओलीलाई झड्का दिँदै विपक्षी गठबन्धनले झण्डा गाड्ने !
काठमाडौं - कर्णाली र सुदूरपश्चिममा माओवादी केन्द्रका मुख्यमन्त्रीहरुको विश्वासको मत लिएर पद सुरक्षित गरेलगत्तै विपक्षी गठबन्धन प्रदेशहरुमा आक्रामक रुपमा उत्रिएका छन् ।
विपक्षी गठबन्धनले एमालेबाट गण्डकी प्रदेशको सरकारको नेतृत्व खोसेको छ । नेपाली कांग्रेसका कृष्णचन्द्र नेपाली गण्डकी प्रदेशको मुख्यमन्त्री बनेका छन् ।
प्रधानमन्त्री केपी ओलीविरुद्ध एकजुट भएका विपक्षी गठबन्धनले आफूपक्षीय मुख्यमन्त्री पद सुरक्षित गरेलगत्तै आक्रामक रणनीति कार्यान्वयनमा ल्याएका हुन् । अब लुम्बिनी र प्रदेश १ मा सरकार ढाल्ने मनस्थितिमा विपक्षी गठबन्धन पुगेका छन् ।
खासगरी लुम्बिनी प्रदेशका मुख्यमन्त्री शंकर पोखरेललाई पदमा टिकिरहन दिन नहुने कांग्रेस, माओवादी केन्द्रका नेताहरूको भनाइ छ । प्रदेशको विकासभन्दा ओलीको कुर्सी कसरी जोगाउनेमा दिनरात लागेकाले पोखरेललाई अहिले नै बिदाइ गरिहाल्नुपर्ने निचोडमा विपक्षी गठबन्धन पुगेको हो ।
सोही कारण तत्काललाई लुम्बिनीमा माओवादी केन्द्र र प्रदेश १ मा एमालेको माधव नेपाल पक्षलाई मुख्यमन्त्री दिएर अविश्वासको प्रस्ताव ल्याउने गृहकार्य सुरु भएको स्रोतले बतायो । एमालेमा ओली पक्षका मुख्यमन्त्री रहेको प्रदेश १, बागमती प्रदेश र लुम्बिनी प्रदेश सरकार धरापमा छ ।
लुम्बिनीमा पोखरेल र प्रदेश १ मा शेरधन राईलाई हटाएपछि मात्रै बागमती प्रदेशमा सरकार परिवर्तनको खेल सुरु हुने बुझिएको छ । उच्च स्रोतका अनुसार बागमती प्रदेशका डोरमणि पौडेललाई हटाएर कांग्रेसबाट मुख्यमन्त्री बनाउने गरी विपक्षी गठबन्धनले गृहकार्य थालेका छन् ।
यद्यपि अहिले बागमती प्रदेशमा एमालेमा एकढिक्का देखिएको छ । सरकारको नीति तथा कार्यक्रम पास गर्ने तर बजेट भने फेल गराएर पौडेल नेतृत्वको सरकार ढालिने भएको छ । प्रदेश २ मा भने जसपाको उपेन्द्र यादव पक्षको नेतृत्वमा सरकार कायमै रहनेछ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४