डा. बाबुराम भट्टराईको टिप्पणी : ओली भाइरस पोखरासम्मै सल्केको देखियो !
डा. बाबुराम भट्टराईको टिप्पणी : ओली भाइरस पोखरासम्मै सल्केको देखियो !
काठमाडौं – जनता समाजवादी पार्टी (जसपा) नेपालका संघीय परिषद् अध्यक्ष डा. बाबुराम भट्टराईले पोखरामा पनि ओली भाइरस सल्केको आरोप लगाएका छन् ।
गण्डकी प्रदेशमा पृथ्वीसुब्बा गुरुङले पुनः मुख्यमन्त्रीको दाबी गरेपछि भट्टराईले सामाजिक सञ्जालमार्फत कडा टिप्पणी गरेका हुन् ।
ओली भाइरसको महामारीले देशको संविधान र लोकतन्त्रलाई सिध्याउने भयो भन्दै डा. भट्टराईले त्यसको प्रतिवादमा एकजुट हुन अपिल गरेका छन् ।
डा. भट्टराईले ट्विटरमा लेखेका छन्, ‘ओली भाइरस पोखरामा पनि सल्केको देखियो है ! यो महामारीले देशको संविधान र लोकतन्त्रलाई सिध्याउने भयो । अब कोही पनि ओली भाइरसबारे कुनै भ्रममा नपरौं । सबैले सबैतिरबाट सशक्त प्रतिवाद गरौं । ओली भाइरसलाई सदाको निम्ति अन्त्य गरौं ! संघीय लोकतान्त्रिक गणतन्त्रको रक्षा गरौं !’
गण्डकी प्रदेशमा नयाँ मुख्यमन्त्रीमा दाबी पेश गर्ने समय सकिएको छ । मुख्यमन्त्रीमा पृथ्वीसुब्बा गुरुङले समेत दाबी पेश गरेपछि विपक्षी गठबन्धन प्रदेश प्रमुखको निवास अगाडि धर्ना दिइरहेका छन् ।
नयाँ मुख्यमन्त्रीमा गुरुङले गरेको दाबी असंवैधानिक र अलोकतान्त्रिक हर्कत भएको भन्दै विपक्षी गठबन्धनका सबै बहुमत ३१ जना सांसदहरु प्रदेश प्रमुखको निवासमा पुगेका छन् ।
शुक्रवार प्रमुख प्रतिपक्षी दल नेपाली कांग्रेस सहितका गठबन्धनले सशरीर उपस्थित भएर नेपाली कांग्रेस संसदीय दलका नेता कृष्णचन्द्र नेपालीलाई मुख्यमन्त्री नियुक्त गर्न दाबी गर्दै बहुमत ३१ सांसदको हस्ताक्षर बुझाएका छन् ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४