काठमाडौं – नेपाली कांग्रेसका प्रदेशसभा सदस्य नरोत्तम वैद्यले बागमती प्रदेशसभा बैठकमा आत्मालोचना गरेका छन् ।

शनिबारको प्रदेशसभा बैठकको सुरूमा बोल्दै सांसद वैद्यले शुक्रबारको बैठकमा बोलेका कुराप्रति आत्मालोचना गरे ।

‘मैले बोलेको कुराले सामाजिक सञ्जालमा क्रियाप्रतिक्रिया धेरै भयो, आफूलाई लागेको कुरा संसदमा निर्धक्क बोल्न पाउने, पूर्ण वाक् स्वतन्त्रता हुने, मुद्दामामिला कहीँकतै मुद्दामामिला, कारवाही नहुने प्रावधान छ । सार्वभौम संसदमा आफूलाई लागेको कुरा दिल खोलेर बोल्न पाइन्छ,’ उनले बैठकमा भने, ‘दिल खोलेर आफ्नो विचार राख्ने सिलसिलामा भाइरल भएको अवस्थामा मेरो पार्टीको समेत ध्यानाकर्षण भएको छ । पार्टीले आत्मालोचना गर्न निर्देशन दिएकाले आत्मालोचना गरेको छु । प्रधानमन्त्रीज्यूप्रति मेरो व्यक्तिगत रिसइबीको कुरा होइन । मैले असाध्यै आवेगमा आएर आवश्यकताभन्दा बढी नै स्वतन्त्रता उपभोग गरेको अनुभुति भयो । आफ्नो अभिव्यक्ति फिर्ता लिँदै रेकर्डबाट हटाउन अनुरोध गर्दछु ।’

शुक्रबारको प्रदेशसभा बैठकमा प्रधानमन्त्री केपी शर्मा ओलीले देश खाइदिने भएकाले आफू नाथुराम गोड्से बन्न तयार रहेको अभिव्यक्ति दिएपछि आलोचना भएको थियो । सांसद वैद्यले स्पष्टीकरण दिन समय माग गरेकाले शनिबारको बैठकको शुरूमै बोल्न दिइएको थियो ।

नाथुराम गोड्सेले भारतमा महात्मा गान्धीको हत्या गरेका छन् । सांसद वैद्यले आफूले पनि प्रधानमन्त्री ओलीको हत्या गर्ने आशयको अभिव्यक्ति दिएपछि सर्वत्र विरोध भएको छ ।

सांसद वैद्यलाई कारवाही हुनुपर्ने माग भइरहेका बेला उनले प्रदेशसभा बैठकमा आत्मालोचना गरेका छन् ।

नेपालको संविधानमा प्रदेशसभा बैठकमा बोलेको अभिव्यक्तिका आधारमा सांसदलाई पक्राउ गर्न र अदालतमा मुद्दा चलाउन नपाइने प्रावधान छ । नेपालको संविधानको धारा १८७(१) मा उल्लेख छ, ‘यस संविधानको अधीनमा रही प्रदेश सभामा पूर्ण वाक् स्वतन्त्रता रहनेछ र प्रदेश सभामा व्यक्त गरेको कुनै कुरा वा दिएको कुनै मतलाई लिएर कुनै पनि सदस्यलाई पक्राउ गर्ने, थुनामा राख्ने वा निज उपर कुनै अदालतमा कारबाही चलाइने छैन ।’

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग