काठमाडौं – प्रतिपक्षमा रहेका दल नेपाली कांग्रेस र नेकपा माओवादी केन्द्रलाई सरकारमा सहभागी गराउन २ नम्बर प्रदेशका मुख्यमन्त्री लालबाबु राउतले मन्त्रालयको संख्या बढाएका छन् ।

आज मंगलवार साँझ बसेको प्रदेश सरकार मन्त्रिपरिषद् बैठकले विभिन्न ६ वटा मन्त्रालयलाई टुक्र्याएर १० वटा मन्त्रालय बनाउने निर्णय गरेको छ ।

कांग्रेस र माओवादी सहितको सरकार बनाउन मन्त्रालय टुक्र्याउनेबारे यसअघि नै प्रदेश सरकारले अभ्यास गरिरहेको थियो । पूर्व तयारी अनुसार नै मन्त्रालय टुक्र्याइएको प्रदेशका आन्तरिक मामिला तथा कानूनमन्त्री ज्ञानेन्द्रकुमार यादवले जानकारी दिए ।

मन्त्री यादवले भने, ‘मन्त्रालय फुटाउने हाम्रो योजना पहिलेकै हो । यसअघिको बैठकहरुमा समेत विभिन्न मन्त्रालय फुटाई १०–११ वटा बनाउनेबारे छलफल भएको हो ।’

भौतिक मन्त्रालय, सामाजिक विकास मन्त्रालय, उद्योग तथा पर्यटन र आर्थिक मामिला तथा कानून मन्त्रालयलाई टुक्र्याएर २–२ वटा मन्त्रालय बनाइएको छ । टुक्र्याइएकामध्ये भौतिकबाट टुक्र्याइएका दुवै मन्त्रालय र अर्को एक रोजाइ अनुसारको मन्त्रालय नेपाली कांग्रेसलाई दिइनेछ भने अर्को एउटा मन्त्रालय माओवादी केन्द्रलाई दिइने भएको छ ।

मन्त्रिपरिषद्मा बाँकी रहने २ वटा मन्त्रालय राउत आफैंले राख्ने स्रोतले जनाएको छ । मन्त्रालय टुक्र्याइएपछि भोलि बुधवार मन्त्रिपरिषद् पुनर्गठन गरिने मुख्यमन्त्री राउतनिकट स्रोतले जानकारी दियो ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग