बैशाख १३ गते मध्यराति मेरो जीवनमा ठूलो घटना घट्यो, म चिन्तित र पीडित छु : बाबुराम भट्टराई
बैशाख १३ गते मध्यराति मेरो जीवनमा ठूलो घटना घट्यो, म चिन्तित र पीडित छु : बाबुराम भट्टराई
काठमाडौं – जनता समाजवादी पार्टी (जसपा) नेपालका संघीय परिषद् अध्यक्ष डा. बाबुराम भट्टराईले गत बैशाख १३ गते आफ्नो जीवनमा ठूलो घटना घटेको खुलासा गरेका छन् ।
हिमालय टेलिभिजनको यक्षप्रश्न कार्यक्रममा अन्तर्वार्ता दिँदै डा. भट्टराईले त्यो घटनाले देश नै खतरामा परेको संकेत गरे ।
‘बैशाख १३ गते मध्यराति मेरो जीवनमा ठूलो घटना घट्यो । त्यो समय आएपछि जनतालाई बताउँछु,’ उनले भने, ‘यसबारे प्रधानमन्त्रीलाई बताउँदै देशलाई बचाउने हो भने राष्ट्रिय सरकार बनाऔं भनेर, देशलाई त्यस्तो घात हुँदैछ भनेर मेरो देशको प्रधानमन्त्रीलाई मैले सूचना दिएकै हो । तर प्रधानमन्त्रीले विषयान्तर गर्नुभयो । तर एकदिन जनतालाई बताउँछु । म अत्यन्तै चिन्तित र पीडित छु ।’
डा. भट्टराईले प्रधानमन्त्री ओली सुध्रिने नदेखिएकाले वैकल्पिक मोर्चाको बलमा देशको राष्ट्रिय स्वाधिनता, लोकतन्त्र, संविधान बचाउन लागिरहेका बताए । ‘व्यवस्था नै उल्ट्याउन भित्र र बाहिरका शक्तिको ग्राइन्ड डिजाइनमा पुस ५ गतेदेखि यो डिजाइन भएको छ,’ डा. भट्टराईले भने, ‘प्रशासन, अदालत, भताभुङ्ग पार्ने र देशलाई बर्बादीतिर लैजाने षड्यन्त्र छ ।’
त्यो घटनाबारे विस्तृतमा जानकारी दिन भने डा. भट्टराईले अस्वीकार गरे । उनले भने, ‘युद्धका कतिपय गोपनीयता खोलिँदैन, युद्ध मोर्चामा प्रयोग गरिने लडाइँका विधि खोलिनु हुँदैन ।’
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४