आज मन्त्रिपरिषद् पुनर्गठन हुँदै : महन्थलाई मालामाल, उपेन्द्रलाई धक्का !
आज मन्त्रिपरिषद् पुनर्गठन हुँदै : महन्थलाई मालामाल, उपेन्द्रलाई धक्का !
काठमाडौं – प्रधानमन्त्री केपी शर्मा ओलीले आज शुक्रबार मन्त्रिपरिषद् पुनर्गठन गर्ने तयारी गरेका छन् ।
जनता समाजवादी पार्टी (जसपा) नेपालको महन्थ ठाकुर समूहलाई सरकारमा सहभागी गराउन मन्त्रिपरिषद् पुनर्गठन हुन लागेको हो ।
जसपाको ठाकुर समूहका केही नेतालाई शुक्रबार मन्त्री नियुक्त गरेर शपथ गराउने तयारी भइरहेको स्रोतले जनाएको छ ।
यसअघि ८ मन्त्री तथा २ राज्य मन्त्रीसहित १० जनालाई मन्त्रिपरिषद्मा सहभागी गराउने सहमति प्रधानमन्त्री ओली र जसपा अध्यक्ष ठाकुरबीच भएको थियो ।
शुक्रबारै सबै मन्त्री नियुक्त नभएपनि केही मन्त्रीले शपथ खाने तयारी रहेको स्रोतले जनाएको छ ।
सरकारमा सहभागी हुनेबारे बिहीबार ओली र ठाकुर समूहबीच बालुवाटारमा ४ घण्टाजति छलफल भएको थियो ।
प्रधानमन्त्री ओलीसँगको छलफलपछि जसपा नेताहरूले आन्तरिक तयारी गरेर सरकारमा जाने भएका हुन् ।
जसपामा चर्किएको विवादबीच सरकारमा जाने र पार्टीमा बहुमत जुटाउने खेल समेत चलिरहेको छ । ५१ सदस्यीय केन्द्रीय कार्यकारिणी समितिमा ठाकुर समूहले २६ सदस्यसहित बहुमत जुटाएको दाबी निर्वाचन आयोगसमक्ष पेश गर्ने तयारी समेत गरिएको छ ।
पार्टीमा बहुमत जुटाउँदै सरकारमा सहभागी हुन लागेका अध्यक्ष ठाकुरलाई मालामाल हुने भएको छ भने पार्टीमा बहुमतको कारवाहीमा परेका उपेन्द्र यादवलाई धक्का लाग्ने भएको छ । निर्वाचन आयोगमा ठाकुरले बहुमत देखाएमा उपेन्द्रमाथिको कारवाहीले वैधानिकता पाउने छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४