काठमाडौं – देशका राष्ट्रपति र प्रधानमन्त्रीका सल्लाहकार कस्ता छन् भन्ने थाहा पाइयो भने जनता आश्चर्यमा पर्छन् । सामान्य तथ्य जाँच नै नगरी सल्लाहकारहरू हचुवाको भरमा प्रचारप्रसारमा उत्रिन्छन् ।

राष्ट्रपति विद्यादेवी भण्डारीले केही दिनयता विभिन्न देशका राष्ट्रप्रमुखलाई पत्राचार गरेर कोरोना भाइरस विरुद्धको खोप उपलब्ध गराउन आग्रह गरिरहेकी छन् । यस्तै बेला बिहीबार अमेरिकाले नेपालसहित विभिन्न देशलाई खोप उपलब्ध गराउने निर्णय गर्‍यो ।

यति भएपछि राष्ट्रपति भण्डारीका प्रेस सल्लाहकार टीकाप्रसाद ढकालले उत्ताउलो हुँदै नेपालले ५० लाख भ्याक्सिन पाउने जानकारी लेखिएको ट्वीट गरे । तर नेपालमा ५० लाख डोज खोप आउने कुनै सुनिश्चितता भइसकेको थिएन ।

सल्लाहकार ढकालले लेखेका थिए, ‘सम्माननीय राष्ट्रपतिज्यूको अग्रसरता र नेपाल सरकारको क्रियाशीलताले कोभिड–१९ विरुद्धको खोप प्राप्तिमा आज अर्को सफलता प्राप्त भएको छ । हाम्रो अनुरोधलाई स्वीकार गर्दै संयुक्त राज्य अमेरिकाले नेपाललाई ५० लाख डोज खोप उपलब्ध गराउने जानकारी गराएको छ ।’

अमेरिकाले समग्रतामा दक्षिण एसियालाई खोप दिने निर्णय गर्दा जस लिने होडबाजीमा नेपाललाई ५० लाख डोज खोप पाइने भनेर सल्लाहकार ढकाल उत्तउलो बनेका थिए । केही दिनअघि राष्ट्रपति भण्डारीले अमेरिकी राष्ट्रपति जो बाइडेनलाई पत्र पठाउँदै खोप उपलब्ध गराउन आग्रह गरेका थिए ।
 
खोपबारे सल्लाहकार ढकालको ट्वीट झूटा निस्किएपछि उनले केहीबेरमै पुरानो ट्वीट डिलिट गर्दै दाबी सच्याए । उनले लेखे, ‘ मैले उल्लेख गरेको परिमाणलाई म तत्काल सच्याउन चाहन्छु । यो परिमाण हाम्रो अपेक्षा र अनुरोध हो ।’

राष्ट्रपतिका सल्लाहकार ढकालले मात्रै होइन, प्रधानमन्त्री केपी शर्मा ओलीका प्रेस सल्लाहकार सूर्य थापाले समेत हचुवाको भरमा नेपालमा अमेरिकाबाट ५० लाख डोज खोप आउने दाबी गर्दै लेखेका छन् । शुक्रबार बिहान ट्विटरमा लेख्दै सल्लाहकार थापाले अमेरिकाबाट ५० लाख डोज खोप आउने र आवश्यकमध्ये एकतिहाई खोपको व्यवस्थापन भएको दाबी गरेका छन् ।

सल्लाहकार थापाले लेखेका छन्, ‘एकतिहाई खोपको व्यवस्थापन – अमेरिकाबाट अनुदान ५० लाख, चीनबाट अनुदान १८लाख, भारतबाट अनुदान १० लाख, सुरक्षाकर्मीलाई प्राप्त १ लाख, भारतबाट खरिद १० लाख, खरिदको आउन बाँकी १० लाख, कोभ्याक्स अनुदान ३ लाख ४८ हजार । जम्मा १ करोड २ लाख ४८ हजार । कूल चाहिने ४ करोड डोज । बधाई सरकार !’ सल्लाहकार थापाले समेत अमेरिकाबाट ५० लाख डोज खोप नेपाल आउने दाबी गरेपनि यसको स्वतन्त्र पुष्टि भइसकेको छैन ।

यसैबीच प्रधानमन्त्री केपी शर्मा ओलीले अमेरिकी राष्ट्रपति जो बाइडेन र उपराष्ट्रपति कमला ह्यारिसलाई मेन्सन गर्दै भ्याक्सिन दिने अमेरिकी निर्णयको स्वागत गरेका छन् । ओलीले भ्याक्सिन दिन नेपाल सरकारले गरेको अनुरोध स्वीकार गरेकामा अमेरिकालाई धन्यवाद पनि दिएका छन् ।

ओलीले ट्विटरमा लेखेका छन्, ‘यसले नेपाल र अमेरिकाबीचको मित्रताको सुदृढतालाई पुष्टि गरेको छ ।’

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

प्रचण्डसँग मिलेर केपी ओलीले दिए कडा निर्देशन, विरोध उत्रेका सांसद के गर्लान् ?