धवलशमशेरको निर्णयले ओली र कमल थापालाई धक्का
धवलशमशेरको निर्णयले ओली र कमल थापालाई धक्का
काठमाडौं - नेपालगञ्ज उपमहानगरपालिकाका प्रमुख डा. धवलशमशेर राणाले राष्ट्रिय सभाको उपनिर्वाचनमा मतदान नगर्ने निर्णय गरेका छन् । कोरोना महामारीका बेला मतदान आफ्नो प्राथमिकतामा नपरेको भन्दै उनले निर्वाचन बहिष्कार गरेका हुन् ।
लुम्बिनी प्रदेशको राष्ट्रिय सभाको रिक्त पदमा आज मतदान भइरहेको छ ।
‘आज हुने लुम्बिनी प्रदेशको राष्ट्रियसभा सदस्यको उपचुनाव मेरो प्राथमिकतामा परेन। मेरो अहिलेको पहिलो कर्तव्य कोरोनासँग जुध्ने रहेकोले कांग्रेस, एमाले र माओवादीको यो अवस्थामा भईरहेको जुधाईलाई मैले मतदान गर्न नसक्ने निर्णय गरेको छु,’ उनको ट्वीटमा उल्लेख छ।
राणा राप्रपाबाट मेयरमा निर्वाचित भएका हुन् । यसअघि राप्रपाले बागमती प्रदेशको राष्ट्रिय सभा उपनिर्वाचनमा एमाले उम्मेदवार रामबहादुर थापा बादललाई मतदान गरेको थियो ।
राप्रपा अध्यक्ष कमल थापा ओली सरकारमा सामेल हुने चर्चा चलिरहेका बेला राणाको यो निर्णयले प्रधानमन्त्री केपी ओलीको पार्टी एमालेका उम्मेद्वार चन्द्रबहादुर खड्कालाई धक्का लागेको छ । लुम्बिनी प्रदेशको राष्ट्रिय सभा निर्वाचनमा कांग्रेस उम्मेदवार दीर्घनारायण पाण्डेले जित्ने निश्चित देखिएको छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४