काठमाडौं - एमाले नेता वामदेव गौतमले गणतन्त्रका महानायक नेपाली कांग्रेसका तत्कालीन सभापति गिरिजाप्रसाद कोइराला, माओवादी अध्यक्ष पुष्पकमल दाहाल प्रचण्ड र एमाले महासचिव माधवकुमार नेपाल भएको बताएका छन् ।

१४औं गणतन्त्र दिवसको अवसरमा शुभकामना दिँदै शनिबार गौतमले तीन नेतालाई नेपालमा गणतन्त्र स्थापना गर्ने मुख्य नायक मानेका हुन् । उनले वर्तमान प्रधानमन्त्री एवं एमाले अध्यक्ष केपी ओलीको नाम उल्लेख नगरे पनि उनीप्रति लक्षित गर्दै गणतन्त्र विरोधीको संज्ञा दिएका छन् ।

‘२०६५ जेठ १५ गतेको अवस्थामा नेपाललाई पुर्याउने युगान्तकारी संघर्षका महानायकहरु भने नेपाली कांग्रेस पार्टीका सभापति गिरिजाप्रसाद कोइराला, नेकपा (एमाले) का महासचिव माधवकुमार नेपाल र नेकपा (माओवादी) का अध्यक्ष पुष्पकमल दहाल प्रचण्ड हुनुहुन्थ्यो। उहाँहरुमध्ये गिरिजाप्रसाद कोइराला हामीबीच हुनुहुन्न ।

अरु दुईजना भने नेपाली राजनीतिमा सक्रिय नै हुनुहुन्छ,’ गौतमले लेखेका छन् । गौतमले एमालेको केन्द्रीय कमिटीको बहुमतले तत्कालीन संघर्षको मुख्य नारा राजतन्त्रको अन्त्य र गणतन्त्र स्थापना तय गर्दा चर्चित झापा संघर्षका विभिन्न पार्टीमा रहेका मुख्य तीन नेता विरुद्धमा रहेको उल्लेख गरेका छन् ।

झापा संघर्षका मुख्य नेतामा केपी ओली पनि एक हुन् । तर, अहिले तिनै ओली गणतन्त्रको नारा लगाउन छाड्दैनन् । नेपालमा गणतन्त्रको नारा सडकमा लाग्दा ओलीले भनेका थिए– बयलगाडा चढेर अमेरिका पुगिन्छ ?

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

प्रचण्ड नै पत्याएनन् केपी ओलीको नीति, तत्कालै यस्तो दिए प्रतिक्रिया

बालुवाटारमै केपी ओलीलाई ठूलो धक्का, सचिवालय बैठकमा प्रचण्डको अडानले तुहियो भित्रि योजना !