काठमाडौं – नेकपा एमालेभित्र विवाद चर्किरहेका बेला निष्कासनमा परेका नेता माधवकुमार नेपाल पक्षले अध्यक्ष केपी शर्मा ओलीमाथि गम्भीर आरोप लगाएको छ ।

नेपाल पक्षका नेताहरुले अध्यक्ष केपी शर्मा ओलीले एमाले पार्टी फुटाउन हतार गरेको गम्भीर आरोप लगाएका छन् ।

प्रधानमन्त्रीको सरकारी निवास बालुवाटारमा बसेको एमाले स्थायी कमिटी बैठकले ११ नेतालाई पार्टी सदस्यबाटै निष्कासन गरेको र १२ नेतालाई स्पष्टीकरण सोधेपछि प्रतिक्रिया जनाउँदै नेताहरूले अध्यक्ष ओली विभाजनतिर लागेको बताए ।

नेपाल पक्षका स्थायी कमिटी सदस्य युवराज ज्ञवालीले स्पष्टीकरण र कारवाहीको कुनै अर्थ नभएको बताएका छन् । ‘अध्यक्ष ओलीले जसरी पनि एमाले फुटाउने कसम खानुभएको छ, त्यसैको उपज हो नेताहरूमाथिको कारवाही,’ उनले भने ।

एमालेका पूर्व उपाध्यक्ष ज्ञवालीले अब केपी ओली सँगसँगै हिँड्न नसक्ने अवस्थामा पुगेको बताएका छन् । ‘एमालेलाई जेठ २ गतेको अवस्थामा फर्काउन उहाँ सहमत हुनुभएन, विवाद समाधान गर्न भनेर गठन गरिएको कार्यदल केवल रामबहादुर थापा ‘बादल’लाई चुनाव जिताउने रणनीति रहेछ भन्ने आज आएर पुष्टि भयो,’ उनले भने ।

अर्का नेता भीम रावलले समेत आफूहरूमाथि गरिएको कारवाही हाँस्यास्पद रहेको टिप्पणी गरेका छन् । ‘पार्टी विधान मिच्दै मनपरी गर्ने, संविधान उल्लंघन गर्ने, देशको अस्मिता र अस्तित्वमा आघात पार्ने नागरिकता वितरण लगायतका राष्ट्रघाती कुकृत्य गर्ने र देशलाई अस्तव्यस्त बनाउने केपी गुटले हामीलाई पार्टी सदस्यबाट निष्कासित गरियो भन्नु हाँस्यास्पद छ । यो केपी गुटको फुटवादकै निरन्तरता हो,’ रावलले ट्विटरमार्फत प्रतिक्रिया जनाएका छन् । 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

प्रचण्डसँग मिलेर केपी ओलीले दिए कडा निर्देशन, विरोध उत्रेका सांसद के गर्लान् ?