कुनै बेला सँगै लड्डु खाएर अकस्मात ओलीतिर लागेका माधवबारे प्रचण्डको यस्तो जवाफ !
कुनै बेला सँगै लड्डु खाएर अकस्मात ओलीतिर लागेका माधवबारे प्रचण्डको यस्तो जवाफ !
फाइल फोटो
काठमाडौं – सर्वाेच्च अदालतबाट प्रतिनिधिसभा पुनर्स्थापनाको फैसला भएपछि खुसी हुँदै तत्कालीन नेकपा अध्यक्ष पुष्पकमल दाहाल ‘प्रचण्ड’ र नेता माधवकुमार नेपालले सँगै लड्डु खाएका थिए ।
प्रधानमन्त्री केपी शर्मा ओलीविरुद्ध दुवै नेता एकजुट थिए । सर्वाेच्च अदालतले नेकपा एमाले र माओवादी पार्टी ब्युँताउँदा समेत प्रचण्ड र माधवको भेटघाट भइरहने र ओलीविरुद्ध योजना बनाइरहने हुन्थ्यो ।
तर ओलीविरुद्ध नयाँ सरकार बनाउने दिन बिहीबार अन्तिम समयमा आएर नेता माधव ओलीतिरै लागे । प्रचण्ड निराश बने ।
नेता माधव नेपालले कित्ता फेर्दा सहजै ओली पुनः प्रधानमन्त्री नियुक्त भएपछि प्रचण्डले सञ्चारकर्मीसँग संक्षिप्त कुराकानी गरेका छन् । जसमा प्रचण्डले सँगसँगै हिँड्ने वाचा गरेका माधवकुमार नेपालहरू अकस्मात ओलीतिर हिँडेपछि केही समस्या देखिएको बताए ।
कतिपयले नेता नेपालले प्रचण्डलाई धोका दिएको टिप्पणी गरिरहँदा प्रचण्डले भने धोका दिएको भन्न नमिल्ने प्रतिक्रिया दिए । प्रचण्डले भने, ‘अहिले म धोका भन्ने शब्द त प्रयोग गर्न चाहन्नँ, किनभने अहिले भर्खर पनि हामी कुरा गर्दैछौं । उहाँहरूभित्र केही समस्या पक्कै पनि भए होलान् । उहाँहरू आफू पनि संविधान र लोकतन्त्रको पक्षमा संघर्षरत नै हुनुभएकाले अहिले नै धोका दिनुभयो भन्ने शब्द बढी हुन्छ भन्ने लागेको छ । म आशा गर्छु उहाँहरु सत्यको पक्षमा, लोकतन्त्रको पक्षमा, संविधानको पक्षमा संघर्ष अगाडि बढाउनुहुन्छ र हाम्रो एकठाउँमा फेरि पनि भेट हुन्छ भन्ने म ठान्छु ।’
प्रधानमन्त्री केपी शर्मा ओली पुनः नियुक्त भएर शपथ खाएपछि नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले संविधान र लोकतन्त्र कमजोर पार्ने प्रवृत्तिसँगको संघर्ष जारी रहने घोषणा गरे ।
प्रधानमन्त्री ओलीविरुद्ध वैकल्पिक सरकार गठनको प्रयास गरेका अध्यक्ष प्रचण्ड असफल भएपछि पहिलोपटक सञ्चारकर्मीलाई संक्षिप्त प्रतिक्रिया दिँदै संविधान र लोकतन्त्रको पक्षमा निरन्तर खबरदारी गर्ने दाबी गरेका छन् ।
प्रतिपक्षीको हैसियतले सरकारबाट भएका गलत कामको आलोचना गर्दै जनतालाई राहत दिने र संविधान र राष्ट्रको बचाउको पक्षमा निरन्तर संघर्ष गर्ने प्रचण्डले वाचा गरे । पछिल्लो समय प्रचण्डले ओलीलाई हटाउन र आफू प्रधानमन्त्री बन्न मरिहत्ते गरेपनि सफल हुन सकेनन् ।
प्रचण्डले असंवैधानिक ढंगले हुने निर्वाचनको सधैं विरोध गर्ने समेत बताए । ‘संवैधानिक ढंगले हुने कुनै पनि निर्वाचनका निम्ति पार्टी जहिले पनि तयार हुन्छ । संविधान विरोधी भयो भने मात्रै हाम्रो विरोध हुने हो, आलोचना हुने हो । संविधान अनुसार हुने चुनावमा हाम्रो सहभागिता हुन्छ,’ उनले भने ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४