प्रधानमन्त्री ओलीले दिउँसो साढे २बजे शपथ खाएलगत्तै मन्त्रिपरिषद् विस्तार
प्रधानमन्त्री ओलीले दिउँसो साढे २बजे शपथ खाएलगत्तै मन्त्रिपरिषद् विस्तार
काठमाडौं – पुनः नियुक्त भएका प्रधानमन्त्री केपी शर्मा ओलीले शुक्रबार पद तथा गोपनीयताको शपथ लिने भएका छन् ।
प्रतिनिधि सभामा रहेका दुई वा दुईभन्दा बढी दलले बहुमत जुटाउन नसकेपछि राष्ट्रपति विद्यादेवी भण्डारीबाट ठूलो दलको नेताका हैसियतमा ओलीलाई बिहीवार प्रधानमन्त्री पदमा पुनः नियुक्त गरिएको थियो ।
तेस्रो कार्यकालका लागि नियुक्त प्रधानमन्त्री ओलीले दिउँसो साढे २ बजे शपथ लिने कार्यक्रम रहेको राष्ट्रपतिको कार्यालयले जानकारी दिएको छ ।
शपथलगत्तै शुक्रबारै पहिलो चरणको मन्त्रिपरिषद् विस्तार हुने बालुवाटार स्रोतले जानकारी दिएको छ । राष्ट्रपतिबाट नेपालको संविधानको धारा ७६(२) बमोजिम प्रतिनिधि सभामा प्रतिनिधित्व गर्ने २ वा २ भन्दा बढी दलहरूको समर्थनमा बहुमतप्राप्त गर्न सक्ने प्रतिनिधि सभाको सदस्यलाई बिहीवार साँझ ९ बजेभित्र नयाँ प्रधानमन्त्रीका लागि दाबी पेश गर्न बैशाख २७ गते ३ दिनको समयसीमा तोकेर आह्वान गरिएको थियो ।
तोकिएको अवधिमा नेपाली कांग्रेस, नेकपा माओवादी केन्द्र लगायत दलले बहुमत सदस्यको दाबी पेश गर्ने कोसिस गरे पनि सफल हुन सकेनन् ।
तोकिएको अवधि सकिएपछि संविधानको धारा ७६(३) बमोजिम ठूलो दलका नेता ओली प्रधानमन्त्री नियुक्त गरिएको छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४