काठमाडौं - साढे तीन वर्षअघि प्रदेश र प्रतिनिधिसभाको निर्वाचनको मतपरिणाममा एमालेले धेरै सिट जित्ने संकेत पाएपछि वर्तमान प्रधानमन्त्री एवं एमाले अध्यक्ष केपी ओली हेलिकोप्टर लिएर रसुवागढी पुगे ।

पहाडमा उभिएर उनले भने– यी यहाँबाट केरुङबाट आउने चिनियाँ चुच्चे रेल काठमाडौंसम्म पुग्छ । आफ्ना सेनामेना लिएर गएका ओली रसुवागढीबाट फर्केको साढे तीन वर्षसम्म फेरि त्यता गएका छैनन् ।

२०७४ मंसिरमा निर्वाचन भयो । पुसमा मतगणताको अन्तिम परिणाम आयो । फागुन ३ गते ओली प्रधानमन्त्री बने । त्यसबेला ओलीको चिनियाँसँग राम्रो सम्बन्ध रहेको प्रचार गरियो । कम्युनिस्ट सरकार बनेपछि चीनले नेपालमा पैसाको खोलो बगाइदिन्छ ।

विकासको मूल फुट्छ भनेर प्रचार गरियो । तर, यो बीचमा ओली र चिनियाँ पक्षको अवस्था पानी बाराबार भएको धेरैले थाहा पाएका छैनन् ।

सोझासाझा जनताले त थाहा पाउने कुरै भएन, नेपालका ठूला राजनीतिक दलका नेता र मिडियाले पनि थाहापत्तो पाएका छैनन् । चार महिनाअघि ओलीले एक्कासि प्रतिनिधिसभा विघटन गरेपछि चिनियाँ पक्ष उनीसँग क्रुद्ध भएको हो ।

न्डै ६ महिनादेखि त नेपालका लागि चिनियाँ राजदूत होउ यान्छीसँग प्रधानमन्त्री ओलीको औपचारिकबाहेक कुनै सम्पर्क र कुराकानी हुनै छाडेको छ । उनी पनि बालुवाटार जान छाडेकी छन् ।

ओलीले नराम्ररी झपारेपछि यान्छीको बालुवाटार प्रवेश पातलिँदै गएको स्रोतले बताएको छ । कुनै समय नेपालमा महिनामा एउटा प्रतिनिधिमण्डल काठमाडौं आउने गथ्र्यो । नेपालको विकासमा सहयोगको घोषणा गरेर जाने गथ्र्यो ।

तर, अहिले त्यो बन्द छ । ओली निकट नेताहरू कोरोना भाइरसको महामारीका कारण चिनियाँ उच्च तहका प्रतिनिधिमण्डको नेपाल भ्रमण पातलिँदै गएको दाबी गर्छन् ।

स्रोतका अनुसार जब गत कात्तिकमा भारतीय गुप्तचर संस्था रअ प्रमुखको नेपाल भ्रमण भयो, तबदेखि ओलीलाई चीनले विश्वास गर्न छाडेको हो ।

ओलीले नियुक्त गरेर पठाएका नेपाली राजदूत महेन्द्रबहादुर पाण्डेले ६ महिनासम्म चिनियाँ राष्ट्रपति सी जिन पिङसँग ओहोदाको प्रमाण पत्र बुझाउन नसक्नुको कारण पनि सम्बन्धमा दरार आएको भएको एक विश्लेषकले बताए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

प्रचण्डसँग मिलेर केपी ओलीले दिए कडा निर्देशन, विरोध उत्रेका सांसद के गर्लान् ?