केपी ओलीलाई माधव नेपालको धक्का, सहमतिको प्रचारबाजीमा उथलपुथल
केपी ओलीलाई माधव नेपालको धक्का, सहमतिको प्रचारबाजीमा उथलपुथल
काठमाडौं – नेकपा एमालेका अध्यक्ष तथा प्रधानमन्त्री केपी शर्मा ओली पक्षबाट नेता माधवकुमार नेपालसँग सहमति भइसकेको प्रचारबाजी भइरहेका बेला नयाँ मोड आएको छ ।
ओलीलाई धक्का लाग्ने गरी नेता नेपालले कुनै सहमति नभएको स्पष्ट पारेका छन् ।
नेता नेपालले २०७५ जेठ २ गतेको कमिटी, विधान र नेतृत्व नै बटमलाइन रहेको स्पष्ट पारेका छन् । आज शुक्रबार सामाजिक सञ्जाल फेसबुकमा प्रतिक्रिया जनाउँदै नेता नेपालले कुनै भ्रममा नपर्न आग्रह गरे ।
बिहीबार साँझ राष्ट्रपति विद्यादेवी भण्डारी र केपी ओलीसँग भेटवार्ता भएपछि सहमति भएको चर्चा चलेका बेला नेता नेपालले कुनै सहमति नभएको जनाएका हुन् ।
‘हामी सिद्धान्तनिष्ठ, क्रान्तिकारी, नीति र विधिको आधारमा चल्ने सुदृढ र एकतावद्ध एमाले चाहन्छौं । किनकि यो हामीले निर्माण गरेको पार्टी हो । यसका लागि वार्ता र लचकता दुवै अपनाउँछौं तर अहिलेसम्म कुनै सहमति भएको छैन,’ उनले फेसबुकमा लेखेका छन्, ‘२०७७ फागुन २८ गते र तत्पश्चात बसेका कथित बैठकहरू र त्यसले गरेका निर्णयहरू फिर्ता लिनुपर्छ र २०७५ जेठ २ गतेको कमिटी, विधान र नेतृत्व नै हाम्रो बटमलाइन हो । यस सम्बन्धमा कुनै किसिमको भ्रममा नपर्न, नअल्मलिन र सुदृढ र सशक्त पार्टी बनाउने महान् अभियानमा लागिरहन आह्वान गर्दछौं ।’
राष्ट्रियसभा सदस्यको उपनिर्वाचन र प्रधानमन्त्री ओलीले प्रतिनिधि सभामा विश्वासको मत लिने मिति नजिकिँदै गर्दा एमालेमा सहमतिको प्रयास भइरहेको छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४