काठमाडौं – कम्युनिस्ट प्रधानमन्त्री केपी शर्मा ओलीले आज बिहीवार साँझ मन्त्रिपरिषद्को आकस्मिक बैठक बोलाएका छन् ।

आज बिहीवार साँझ ५ बजे प्रधानमन्त्रीको सरकारी निवास बालुवाटारमा बैठक बोलाइएको एक मन्त्रीले जानकारी दिए ।

यसअघि आजै बिहान नेपाल एमालेको आकस्मिक स्थायी कमिटी बैठक सम्पन्न भएको छ । बैठकलगत्तै राष्ट्रपति विद्यादेवी भण्डारीलाई भेट्न प्रधानमन्त्री ओली शितलनिवास पुगेका थिए ।

मन्त्रिपरिषद् बैठकमा विभिन्न मन्त्रालयका निर्णय, कोरोना संक्रमण नियन्त्रण र समसामयिक राजनीतिक विषयमा छलफल हुने जनाइएको छ ।

मन्त्रिपरिषद् बैठकअघि प्रधानमन्त्री ओलीले राष्ट्रपति भण्डारीलाई भेटेपछि थप महत्त्वपूर्ण निर्णय हुनसक्ने चर्चा समेत सुरू भएको छ । यसअघि भएको मन्त्रिपरिषद् बैठकअघि ओलीले भण्डारीलाई भेटेपछि प्रतिनिधि सभाको विशेष अधिवेशन आह्वानदेखि विवादित अध्यादेश जारीसम्मका निर्णय भएका थिए ।

आज बिहीबारै बिहान बसेको नेकपा एमालेको आकस्मिक स्थायी कमिटी बैठकमा आगामी जेठ ६ गते हुने राष्ट्रियसभा उपनिर्वाचनमा बागमतीबाट गृहमन्त्री रामबहादुर थापा ‘बादल’लाई उम्मेदवार बनाउनेबारे निर्णय हुने चर्चा थियो । यसअघि एमालेले बादललाई नै उम्मेदवार बनाउने गरी छलफल गरिरहेको थियो ।

तर आकस्मिक बैठकमा यससम्बन्धी निर्णय रोकिएको छ । बैठकले गृहमन्त्री बादललाई उम्मेदवार बनाउनुअघि मत विश्लेषण गर्ने भएको छ । नेकपा माओवादी केन्द्रले बादललाई कारवाही गरेपछि रिक्त रहेको पदमा उपनिर्वाचन हुन लागेको हो ।

बिहीबार बसेको स्थायी कमिटी बैठकमा राष्ट्रियसभा उपनिर्वाचनको उम्मेदवारबारे समग्र छलफल भएको र उम्मेदवारको निर्णय १–२ दिनमा हुने एक नेताले जानकारी दिए ।

बैठकमा बागमती प्रदेशभित्र एमालेको एकल बहुमत रहेपनि माधव नेपाल पक्षले कांग्रेस र माओवादीसँग गठबन्धन गरेर खिमलाल देवकोटालाई माओवादीको चुनाव चिह्नबाट लडाउने निर्णय गरेकाले काटिने भोटबारे छलफल भएको जनाइएको छ ।

एमालेले आगामी बैठकमा नेता माधवकुमार नेपाल पक्षमा लाग्ने प्रदेशसभा सदस्य र स्थानीय तहका जनप्रतिनिधिको संख्या हेरेर थप निर्णय गर्ने भएको छ । राष्ट्रियसभा चुनावमा फ्लोर क्रस गर्ने र एमाले उम्मेदवारलाई नसघाउने सम्भावना रहेका प्रदेशसभा सदस्य र स्थानीय तहका जनप्रतिनिधिलाई कारवाही गर्नेसम्मको छलफल भएको स्रोतले जनाएको छ ।

बैठकपछि सञ्चारकर्मीसँग कुरा गर्दै एमाले प्रवक्ता तथा परराष्ट्रमन्त्री प्रदीप ज्ञवालीले पार्टीका उम्मेदवारको जित सुनिश्चित हुने गरी जनप्रतिनिधि र मतदातासँग छलफल गर्ने निर्णय भएको बताएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

प्रचण्डसँग मिलेर केपी ओलीले दिए कडा निर्देशन, विरोध उत्रेका सांसद के गर्लान् ?