एमालेको आकस्मिक बैठकका यी हुन् निर्णयहरू, कठिन लडाइँमा लाग्न देशभरका कार्यकर्तालाई निर्देशन
एमालेको आकस्मिक बैठकका यी हुन् निर्णयहरू, कठिन लडाइँमा लाग्न देशभरका कार्यकर्तालाई निर्देशन
फाइल तस्वीर
काठमाडौं – लुम्बिनी प्रदेशमा सत्ता संकट गहिरिएका बेला आकस्मिक रूपमा बसेको नेकपा एमाले बैठकले कोरोना भाइरस संक्रमणको कठिन लडाइँमा लाग्न देशभरका कार्यकर्तालाई निर्देशन दिएको छ ।
प्रधानमन्त्री केपी शर्मा ओलीको सरकारी निवास बालुवाटारमा बसेको बैठकले कोरोना भाइरस संक्रमण रोकथाम तथा नियन्त्रणका लागि आवश्यक पूर्वाधार तयार पार्न ओली सरकारलाई सुझाव समेत दिएको छ ।
प्रवक्ता प्रदिप ज्ञवालीका अनुसार महामारीको रूपमा फैलिएको कोरोना संक्रमण रोकथाम तथा नियन्त्रणका लागि आवश्यक पूर्वाधार तयार गर्न र संक्रमणविरुद्ध एकजुट भएर लाग्न देशभरका सबै पार्टी पंक्तिलाई आह्वान गर्दै बैठक सकिएको छ ।
प्रवक्ता ज्ञवालीद्वारा जारी प्रेस विज्ञप्तिमा उल्लेख छ, ‘बैठकले कोभिड बिरामीको उपचारका लागि आवश्यक पूर्वाधार, शय्याहरू, उपकरण, खोप अक्सिजन तथा अत्यावश्यक औषधिको तत्काल थप प्रबन्ध गर्न र अन्य तयारी तीब्रताका साथ अगाडि बढाउन सरकारको ध्यानाकर्षण गराउने निर्णय गरेको छ,’ प्रवक्ता ज्ञवालीले भने, ‘समग्र पार्टी पंक्तिलाई कोभिड विरुद्धको यस कठिन लडाइँमा स्वयंसेवी रूपमा परिचालित हुन पनि आह्वान गरेको छ ।’
एमाले बैठकमा लुम्बिनी प्रदेशको बारेमा समेत छलफल भएको र त्यसलगत्तै प्रधानमन्त्री ओली राष्ट्रपति विद्यादेवी भण्डारीलाई भेट्न शितलनिवास पुगेकाले आजको एमाले बैठकलाई अर्थपूर्ण रूपमा हेरिएको छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४