काठमाडौं – नेकपा एमालेभित्र विवाद चर्किरहेका बेला बसेको महाधिवेशन आयोजक कमिटी बैठकले कर्णाली प्रदेशमा नेकपा माओवादीका मुख्यमन्त्री महेन्द्रबहादुर शाही नेतृत्वको सरकारलाई जोगाउन फ्लोर क्रस गरेका नेता माधवकुमार नेपाल पक्षका ४ सांसदलाई पार्टी सदस्यता समेत नरहने गरी कारबाही गर्ने निर्णय गरेको छ । 

प्रधानमन्त्रीको सरकारी निवास बालुवाटारमा आज शुक्रबार बसेको एमाले महाधिवेशन आयोजक कमिटीको बैठकले दलीय ह्वीप उल्लंघन गर्ने ४ सांसदलाई पदबाट हटाउने निर्णय गरेको जनाइएको छ ।

बैठकबाट कर्णालीमा सहभागी मन्त्री अमर थापा, नन्दसिंह बुढा, कुर्मराज शाही र पूर्वमन्त्री प्रकाश ज्वालाको सांसद पद रिक्त गरिएको छ ।

बैशाख ३ गते कर्णाली प्रदेश सभामा भएको मत विभाजनमा ४ जना सांसदले फ्लोर क्रस गरेका थिए । स्पष्टीकरण सोधिएका केन्द्रका माधव नेपाल पक्षका २७ सांसदबारे हालसम्म कुनै पनि निर्णय नभएको जनाइएको छ ।

एमाले बैठकले १८ सदस्यीय स्थायी कमिटी पनि गठन गरेको छ । जसमा माओवादीबाट एमालेमा आएका नेताहरू रामबहादुर थापा ‘बादल’, लेखराज भट्ट लगायतलाई स्थायी कमिटी सदस्य पद उपहार दिइएको छ भने माधवकुमार नेपाल पक्षलाई बाइपास गरिएको छ ।

स्थायी कमिटीमा अध्यक्ष केपी शर्मा ओली, बामदेव गौतम, ईश्वर पोखरेल, बादल, विष्णु पौडेल, सुवासचन्द्र नेम्वाङ, शंकर पोखरेल लगायत छन् ।

स्थायी कमिटीमा पूर्वसचिव प्रदीप ज्ञवाली, माओवादीबाट एमाले आएका लेखराज भट्ट, टोपबहादुर रायमाझी समेत परेका छन् । नेताहरू सत्यनारायण मण्डल, विष्णु रिमाल, छविलाल विश्वकर्मा, पृथ्वीसुब्बा गुरुङ, रघुवीर महासेठ, किरण गुरुङ, केशव बडाल, मणि थापालाई समेत स्थायी कमिटीमा समावेश गरिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

प्रचण्डसँग मिलेर केपी ओलीले दिए कडा निर्देशन, विरोध उत्रेका सांसद के गर्लान् ?