काठमाडौं – नेकपा एमालेभित्र विवाद चर्किरहेका बेला अध्यक्ष तथा प्रधानमन्त्री केपी शर्मा ओलीले नेता माधवकुमार नेपाललाई फकाउन बुधबार र बिहीबार लामो छलफल गरे । तर ओलीले फकाउन सकेनन् ।

नेता नेपालले नेकपा एमाले पुरानै अवस्थामा फर्किनुपर्ने र नयाँ निर्णयहरू फिर्ता हुनुपर्ने माग राखे । तर ओलीले नयाँ निर्णय फिर्ता हुन नसक्ने अडान राखे ।

त्यसपछि नेता बामदेव गौतमलाई फकाउने कोसिस गरेका ओलीलाई अर्काे धक्का लाग्यो । नेता गौतमले पनि नेता नेपालले जस्तै एमाले पुरानै अवस्थामा फर्किनुपर्ने माग राखे । जसले गर्दा प्रधानमन्त्री ओली एक्लो परेका छन् ।

नेकपा एमालेका नेता बामदेव गौतमले फागुन २८ गतेको निर्णय फिर्ता नलिए ओलीसँग आउन नसक्ने स्पष्ट पारेका छन् । बिहीवार साँझ प्रधानमन्त्री ओलीले गौतमसँग डिनर वार्ता गरेका हुन् । अध्यक्ष ओलीले गौतमलाई पार्टी काममा फर्किनका आग्रह गरेका छन् ।

नेता गौतमले नेकपा एमालेका नाममा भएका अवैधानिक निर्णय फिर्ता नभएसम्म पार्टीमा फर्किन नसक्ने स्पष्ट पारेका गौतमका प्रेस संयोजक विश्वमणि सुवेदीले बताए । ओलीले पनि भइसकेका निर्णय फिर्ता नहुने जनाइसकेका छन् ।

‘हिजो ९ गते क. केपीसँग बेलुकी ८ बजे प्रधानमन्त्री निवास बालुवाटारमा डिनर मिटिङ भयो । उहाँले पार्टी काममा आफूसँग फर्कन अनुरोध गर्नुभयो । मैले गत फागुन २८ गते तपाईंले गर्नुभएको अवैधानिक बैठकका निर्णय फिर्ता लिन अनुरोध गरें । उहाँले ती निर्णय फिर्ता हुँदैनन् भन्नुभयो । त्यसो भए म तपाईंसँग आउन पनि सक्दिनँ भनेर जवाफ दिएँ । डिनर चल्दै थियो नमस्कार गरेर म बिदा भएँ,’ गौतमको भनाई उदृत गर्दै संयोजक सुवेदीले जनाएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

प्रचण्डसँग मिलेर केपी ओलीले दिए कडा निर्देशन, विरोध उत्रेका सांसद के गर्लान् ?