काठमाडौं – प्रमुख प्रतिपक्षी दल नेपाली कांग्रेस केन्द्रीय कार्यसमिति बैठकले प्रतिनिधिसभा अधिवेशनलाई आकस्मिक स्थगन गर्ने प्रधानमन्त्री केपी शर्मा ओलीको कदमप्रति आपत्ति जनाएको छ ।

संसद अधिवेशन अन्त्य भएकै दिन बसेको कांग्रेसको बैठकले आपत्ति जनाउने निर्णय गरेपछि प्रधानमन्त्री ओलीलाई राजनीतिक धक्का लागेको छ ।

सोमवार साँझ पार्टी कार्यालय सानेपामा बसेको पार्टी बैठकले संसद अधिवेशन अप्रत्याशित र हठात अन्त्य गरेको विषयलाई गम्भीरतापूर्वक लिएको उल्लेख गरेको छ ।

बैशाख ७ गते बैठक बस्ने निर्धारित कार्यक्रम र छलफल गर्नुपर्ने जनसरोकारका कैयौ महत्त्वपूर्ण विषय विद्यमान भएको अवस्थामा त्यसलाई नजरअन्दाज गरेर संसदबाट भाग्ने काम लोकतान्त्रिक मूल्य, मान्यता र संसदीय पद्दति बर्खिलाप रहेको ठहर नेपाली कांग्रेसको बैठकले गरेको छ ।

नेपाली कांग्रेसले सरकारको स्वेच्छाचारी प्रवृत्तिको घोर भर्त्सना समेत गरेको छ । कांग्रेसले कोरोनाबाट जनताको सुरक्षा विशेष कार्ययोजना तत्काल निर्माण गर्न माग गर्दै सरकारको ध्यानाकर्षण गराएको छ ।

कोरोना महामारीको पछिल्लो चरणमा बढ्दो प्रतिकुलता दृष्टिगत गरेर जनताको जीवन रक्षाका लागि अविलम्ब विशेष कार्ययोजना निर्माण गर्न र त्यसलाई गम्भीरतापूर्वक कार्यान्वयन गर्न सरकारसँग कांग्रेसले माग गरेको छ ।

विश्व बजारमा उपलब्ध भइसकेको भ्याक्सिन पर्याप्त रूपले आयात गरेर हरेक नागरिकलाई भ्याक्सिन, हरेक नागरिकको सुरक्षाको व्यापक र द्रूत अभियान सञ्चालन गर्न बैठकले सरकारसमक्ष जोडदार माग गरेको छ ।

कोरोनाबाट जोगिन सतर्कताका साथ सुरक्षाका रणनीतिहरू अनिवार्य रूपले पालना गर्न आम नागरिकलाई समेत अपिल गर्ने निर्णय कांग्रेस बैठकले गरेको जनाइएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग