काठमाडौं – राष्ट्रपति विद्यादेवी भण्डारीले नेकपा एमाले वरिष्ठ नेता एवं पूर्व प्रधानन्त्री झलनाथ खनालसँग भेटवार्ता गरेकी छन् ।

आज शनिवार दिउँसो राष्ट्रपति भण्डारीले खनाललाई उनकै निवास डल्लुमा भेटेकी हुन् । एमाले अध्यक्ष केपी शर्मा ओलीले नेता माधवकुमार नेपाल लगायत नेतालाई कारवाही गरेर पार्टी विभाजनको मुखमा पुगेका बेला राष्ट्रपति भण्डारीले खनाललाई भेटेकी हुन् ।

निवासमै भेट गर्न राष्ट्रपति भण्डारी पुगेकोमा खनाल खुशी भएका छन् । राष्ट्रपतिसँगको भेटपछि पत्रकारसँग कुरा गर्दै खनालले वर्तमान परिस्थिति र पार्टी आन्दोलनसँगै समसामयिक विषयमा छलफल भएको बताएका छन् ।

‘हामीले भलाकुसारी गरेका छौं । विगत र वर्तमानको स्थितिबारे अलिअलि कुरा भयो,’ खनालले सञ्चारकर्मीसँग भने, ‘उहाँले पार्टी आन्दोलन एकतावद्ध भएर जाओस् भन्ने चाहना व्यक्त गर्नुभएको छ ।’

पार्टीको विगत र वर्तमानको विषयमा कुराकानी भएको भन्दै नेता खनालले अहिले राष्ट्रपतिको हैसियतमा पनि पार्टी आन्दोलन, एकतावद्ध भएर गएको र लोकतन्त्र सुदृढ भएर गएको हेर्न चाहना रहेको जानकारी दिए ।

राष्ट्रपति भण्डारीले आफ्नो स्वास्थ्य अवस्थाबारे समेत चिन्ता व्यक्त गरेकी हुन् । राष्ट्रपतिले स्वास्थ्य अवस्थाबारे चिन्ता गरेपछि आफ्नो स्वास्थ्य सामान्य रहेको जानकारी गराएको खनालले बताएका छन् । खनालले आफू बैठक र सभाहरूमा गइरहेको र चिकित्सकको सुझावलाई ध्यानमा राखेको जानकारी गराएको बताएका छन् । 

राष्ट्रपतिसँग आफ्नोभन्दा पनि पार्टीको स्वास्थ्य ठूलो भएको बताएको जानकारी उनले दिए । ‘हाम्रो व्यक्तिगत स्वास्थ्यको बारेमा मलाई चिन्ता होइन, चिन्ता चाहिँ पार्टीको बारेमा हो,’ उनले भने ।

राष्ट्रपति भण्डारीले खनाललाई पार्टीलाई एकताबद्ध बनाउने भूमिका खेल्न समेत आग्रह गरेकी छन् । खनालले पार्टी अध्यक्ष केपी ओलीले फागुन २८ गते गरेका निर्णय फिर्ता गरे पार्टी एक हुने प्रस्टसँग बताएका स्रोतले जनाएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

प्रचण्डसँग मिलेर केपी ओलीले दिए कडा निर्देशन, विरोध उत्रेका सांसद के गर्लान् ?