राजनीतिक बिशेष
ओलीद्वारा बालुवाटारमै वामदेवको यसरी भयो अपमान
ओलीद्वारा बालुवाटारमै वामदेवको यसरी भयो अपमान
काठमाडौं - एमाले नेता वामदेव गौतम अहिले यता न उताका भएका छन् । नेकपा हुँदा अधिकांश समय उनलाई प्रधानमन्त्री केपी ओलीले प्रयोग गरेका थिए ।
प्रचण्ड र माधव नेपाल मिलेर हटाउन लागिसक्दा वामदेवकै कारण ओली जोगिएका थिए । तर, अहिले तिनै ओलीले वामदेवको अपमान गरेका छन् । कुनै बेला वामदेवलाई एमालेभित्र र बाहिरको आन्तरिक राजनीतिक शक्तिकेन्द्र मानिन्थ्यो ।
वामदेव जता लाग्यो उसकै बहुमत पुग्थ्यो । ओली एमालेको अध्यक्षमा निर्वाचित हुनुमा पनि वामदेवकै योगदान थियो । नत्र माधव नेपाल अध्यक्ष निर्वाचित हुन्थे । अहिले उनैलाई ओलीले बोल्नसमेत नदिएर अपमान गरेको बताइन्छ ।
गत शुक्रबार बालुवाटारमा बसेको संसदीय दलको बैठकमा प्रधानमन्त्री तथा अध्यक्ष ओलीले वामदेवलाई बोल्नसमेत दिएनन् । वामदेवले पटक पटक बोल्न खोज्दा पनि ओलीले चासो नदिएर अपमानित गरेको उनी निकट स्रोतले बताएको छ ।
एमाले ब्युँतिएपछि वामदेवले एकता अभियान नै घोषणा गरेका छन् । तर, उनकी श्रीमती र छोरा भने ओलीतिरै छन् । अब उनको क्षमता र प्रभावबारे सबैले देखे ।
पहिलोपटक बसेको संसदीय दलको बैठकमा वामदेव अनुपस्थित भएकाले पनि ओली आक्रोशित भएको बताइन्छ । त्यही भएर उनले बोल्न समय नै नदिएका हुन् । अहिले वामदेवको अभियान तुहिएको छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४