काठमाडौं – नेकपा एमालेका वरिष्ठ नेता झलनाथ खनाल र माधवकुमार नेपाल समूहले अध्यक्ष केपी शर्मा ओलीविरुद्ध देशभर संगठनात्मक अभियान चलाउने निर्णय गरेको छ ।

बिहीवार सकिएको राष्ट्रिय भेलाले तलदेखि माथिसम्म संगठनात्मक अभियान चलाउने निर्णय लिएको पार्टी सचिव तथा केन्द्रीय प्रचार विभाग प्रमुख योगेश भट्टराईले जानकारी दिए । भेलाले आगामी चैत ७ गतेका लागि ओली पक्षले बोलाएको केन्द्रीय कमिटी बैठक बहिष्कार गर्ने निर्णय समेत गरेको छ ।

‘अब हामी देशभर बैठक, भेला र प्रशिक्षण चलाउँछौं । यो ३–४ महिनाको हुनसक्छ, समय तोकेका छैनौं । व्यापक रूपमा संगठनको परिचालन, प्रशिक्षण र कार्यकर्तालाई बुझाउने अभियान सुरू गर्छौं । पार्टी एकतापूर्व २०७५ जेठ २ गतेको कमिटीलाई आधार मानेर अभियान अगाडि बढाउँछौं,’ भेला समापनपछि आयोजित पत्रकार सम्मेलनमा उनले भने ।

भट्टराईले प्रधानमन्त्री एवं पार्टी अध्यक्ष केपी शर्मा ओली पार्टी विभाजनमा लागेको भएपनि अन्तिमसम्म एकता बचाइराख्न प्रयास गर्ने बताए । ‘हालै एक अन्तर्वार्तामा ओलीले नै म संवाद नै गर्दिनँ भन्नुभएको छ । दुनियाँको कोही नेताले संवाद गर्दिनँ भन्दैन तर उहाँले भन्नुभएको छ,’ उनले भने, ‘उहाँको यो निरकुंश शैलीले एकता सम्भव छैन । उहाँ विभाजनका लागि उद्यत हुनुहुन्छ तर हामी अन्तिमसम्म एकताको पक्षमा छौं । हाम्रो तर्फबाटट विभाजनको घोषणा हुँदैन ।’ 

अध्यक्ष ओलीले कारबाही गर्नेबारे दिएको अभिव्यक्तिमा सचिव भट्टराईले भनेका छन्, ‘कारबाही गर्न किन ढिला गर्नुभएको छ ? हामी छक्क परेका छौं ।’

भट्टराईले आफूहरू ओलीले बोलाएको चैत ७ गतेको बैठकमा नजाने समेत स्पष्ट पारेका छन् । ‘बाटो–बाटोमा थपिएको केन्द्रीय कमिटीको बैठकमा जाँदैनौं । चैत ७ गतेको बैठक केन्द्रीय कमिटीको होइन, गुटको बैठक हो,’ भट्टराईले भने ।

बैठकमा सहभागिताका लागि फागुन २३ गतेपछिका निर्णय सच्याउनुपर्ने र जेठ २ गते अगाडि फर्कनुपर्ने शर्त रहेको समेत सचिव भट्टराईले बताएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

प्रचण्डसँग मिलेर केपी ओलीले दिए कडा निर्देशन, विरोध उत्रेका सांसद के गर्लान् ?