माधव नेपाल पक्षभित्र विद्रोह, यी सांसदहरू लागे ओलीतिर !
माधव नेपाल पक्षभित्र विद्रोह, यी सांसदहरू लागे ओलीतिर !
काठमाडौं – नेकपा एमालेका सांसदहरु लालबाबु पण्डित, तुलसी थापा र गंगा चौधरी प्रधानमन्त्री केपी शर्मा ओलीले बोलाएको संसदीय दलको बैठकमा सहभागी हुन बालुवाटार पुगेका छन् ।
यसअघि कुनै गुटमा नखुलेको लालबाबु पण्डित संसदीय दलको नेता प्रधानमन्त्री केपी शर्मा ओलीले बोलाएको बैठकमा सहभागी भएका छन् ।
एमालेभित्र निर्णायक मानिएका नेता बामदेव गौतमकी पत्नी तुलसी थापा र यसअघि माधवकुमार नेपाल पक्षमा रहेकी गंगा चौधरी सत्गौवा पनि बैठकमा उपस्थित भएकी हुन् । बैठकमा सहभागी नहुने निर्णय गरेका वरिष्ठ नेता झलनाथ खनाल र माधवकुमार नेपाल पक्षका सांसद समेत ओलीको बैठकमा पुगेका छन् ।
संसदीय दलको बैठक केहीबेरमा बालुवाटारमा शुरू भइरहेको छ । यसअघि नेकपा एमालेका वरिष्ठ नेता झलनाथ खनाल र माधवकुमार नेपाल पक्षले प्रधानमन्त्री तथा नेकपा एमाले संसदीय दलका नेता केपी शर्मा ओलीले बिहीबार बोलाएको संसदीय दलको बैठकमा सहभागी नहुने निर्णय गरेको थियो ।
राष्ट्रिय कार्यकर्ता भेला चलिरहेको सानेपामा बिहीबार बिहान बसेको सांसदहरूको बैठकले ओलीले बोलाएको संसदीय दलको बैठकमा सहभागी नहुने निष्कर्ष निकालेको सांसद सोमप्रसाद पाण्डेले बताएका छन् ।
स्थायी कमिटी सदस्यहरू बाहेकका सांसद सहभागी हुनेबारे छलफल भएपनि अन्तिममा नजाने निर्णय भएको अर्का सांसद गणेश पहाडीले बताएका छन् ।
एमाले दलका नेता ओलीले बोलाएको बैठक बालुवाटारमा शुरू भइरहेको छ । बैठकमा खनाल–नेपाल पक्ष सहभागी नहुने भएपछि सन्नाटा छाएको ओली पक्षीय एक सांसदले जानकारी दिए ।
कार्यकर्ता भेला चलिरहेको समयमा दलको बैठक बोलाइएकाले सहभागी नहुने निष्कर्ष निकालिएको बताइएको छ ।
बैठकमा सहभागी हुन सूर्य चुनाव चिह्नबाट जितेका सबैलाई अनिवार्य उपस्थितिको लागि ह्वीप जारी गरिएको एमाले मुख्य सचेतक विशाल भट्टराईले बताएका छन् । बैठकमा सहभागी नहुने सांसदलाई कारवाही गर्ने तयारी समेत ओली पक्षले गरेको छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४