सर्वदलीय बैठकमै सबैसामु विद्या भण्डारीको गल्तीको त्यान्द्रो खुलेपछि ...
सर्वदलीय बैठकमै सबैसामु विद्या भण्डारीको गल्तीको त्यान्द्रो खुलेपछि ...
काठमाडौं – राष्ट्रपति विद्यादेवी भण्डारीले आज मंगलबार शितलनिवासमा बोलाएको सर्वदलीय बैठकमा उनकै गल्तीको त्यान्द्रो खुलेको छ ।
बैठकमा सहभागी राष्ट्रिय जनमोर्चाका अध्यक्ष चित्रबहादुर केसीले प्रतिनिधिसभा विघटन गर्नुअघि दलहरुलाई बोलाएर छलफल नगर्नु राष्ट्रपतिको गल्ती भएको आरोप लगाए ।
जवाफमा राष्ट्रपति विद्यादेवी भण्डारीले नेपालको संविधानमै लेखिएको प्रावधानअनुसार नै मन्त्रिपरिषद् बैठकले प्रतिनिधिसभा विघटन गर्ने सिफारिस कार्यान्वयन गरेको स्पष्टीकरण दिएकी छन् ।
मंगलबार राष्ट्रपति निवासमा आयोजित सर्वदलीय बैठकमा राष्ट्रपति भण्डारीले संविधानबमोजिम गरेको कामलाई अन्यथा नबुझिदिन आग्रह गरेकी हुन् ।
‘मन्त्रिपरिषद् बैठकले सिफारिस गरेपछि राष्ट्रपतिले कार्यान्वयन गर्ने कुरा संविधानमै उल्लेख भएको विषय हो,’ राष्ट्रपति भण्डारीको भनाइ उदृत गर्दै बैठकमा सहभागी नेपाल मजदुर किसान पार्टीका सांसद प्रेम सुवालले भने, ‘यसलाई अन्यथा बुझिदिनुभएन ।’
बैठकमा प्रधानमन्त्री ओलीले समेत प्रतिनिधिसभा विघटनको औचित्य पुष्टि गर्ने आफ्नै जिद्दी गरेका थिए । ‘संसद र सरकार नचल्ने स्थितिमा संसारभर प्रतिनिधिसभा विघटन हुन्छन्,’ ओलीले बैठकमा भने, ‘नेपालमै पनि फेरि विघटन हुनसक्छ । संविधानको धारा ८५ र धारा ७६ को उपधारा ७ ले त्यसको परिकल्पना गरेको छ ।’
प्रधानमन्त्री ओलीले गरेको विघटनलाई सर्वाेच्च अदालतले असंवैधानिक भनेर बदर गरिसक्दा समेत उनी अझै पनि संविधानको आफ्नै तरिकाले ब्याख्या गरिरहेका छन् । उनले फेरि जिद्दी गर्दै भने, ‘नयाँ निर्वाचनमा जाने कुरा कसरी प्रतिगमन हुन्छ ? अब १ वर्षपछि स्थानीय निकायको चुनाव हुन्छ, त्यसलाई प्रतिगमन भनिदिने ? त्यसपछि अन्य चुनाव हुन्छ । त्यसैले चुनावलाई प्रतिगमन भनिदिनुभएन साथीहरुले ।’
बैठकमा माओवादी केन्द्रका तर्फबाट सहभागी भएका नारायणकाजी श्रेष्ठले प्रतिनिधिसभा पुनर्स्थापना भइसकेको अवस्थामा त्यसकै बारेमा छलफल गरिरहनु उपयुक्त नहुने तर्क राखेका छन् ।
नेपाली कांग्रेसबाट बैठकमा सहभागी वरिष्ठ नेता रामचन्द्र पौडेलले देशलाई तहसनहस गराउने र संविधान नै भताभुंग गर्ने गरी प्रतिनिधिसभा विघटन गरिएकोमा असन्तुष्टि जनाएका छन् ।
नेपाली कांग्रेसका अर्का नेता बिमलेन्द्र निधिले विगतमा जे भएको भएपनि अब संसदले नै निकास दिने गरी अघि बढ्नुपर्ने सुझाव दिएका छन् ।
बैठकको अन्तिममा राष्ट्रपति भण्डारीले प्रतिनिधिसभा विघटन गर्ने मन्त्रिपरिषदको निर्णयलाई कार्यान्वयन गरेर आफूले संविधानबमोजिम नै काम गरेकाले अन्यथा नलिन आग्रह गरेकी छन् ।
यी हुन् बैठकमा सहभागीहरू
नेकपा एमाले
१. अध्यक्ष तथा प्रधानमन्त्री केपी शर्मा ओली
२. ईश्वर पोखरेल
३. सुवासचन्द्र नेम्वाङ
४. विष्णु पौडेल
५. रामबहादुर थापा
नेपाली कांग्रेस
१. सभापति शेरबहादुर देउवा
२. रामचन्द्र पौडेल
३. विमलेन्द्र निधि
४. शशांक कोइराला
नेकपा माओवादी केन्द्र
१. अध्यक्ष पुष्पकमल दाहाल ‘प्रचण्ड’
२. नारायणकाजी श्रेष्ठ
३. देव गुरुङ
जनता समाजवादी पार्टी
१. अध्यक्ष महन्थ ठाकुर
२. अध्यक्ष उपेन्द्र यादव
३. राजेन्द्र महतो
राष्ट्रिय जनमोर्चा
१. अध्यक्ष चित्रबहादुर केसी
राप्रपा
१. अध्यक्ष डा. प्रकाशचन्द्र लोहनी
नेपाल मजदुर किसान पार्टी
१. सांसद प्रेम सुवाल
मन्त्रिपरिषद्का अध्यक्ष
१. खिलराज रेग्मी
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४