काठमाडौं – नेकपा एमालेका अध्यक्ष केपी शर्मा ओलीले एकतर्फी, एकलौटी ढंगले केन्द्रीय कमिटी पुनर्गठन र जिम्मेवारी हेरफेर गरेपछि वरिष्ठ नेता माधवकुमार नेपाल पक्षले आकस्मिक बैठक बोलाएको छ ।

अध्यक्ष ओलीले महाधिवेशनको मिति समेत तोकेपछि वरिष्ठ नेता झलनाथ खनाल र माधवकुमार नेपाल पक्षले आकस्मिक स्थायी कमिटी बैठक बोलाएका हुन् ।

बैठक बानेश्वरमा रहेको होटेल अर्यालमा बसिरहेको एक स्थायी कमिटी सदस्यले जानकारी दिए ।

यसअघि नेकपा एमालेका अध्यक्ष केपी शर्मा ओलीले महासचिवबाहेक सबै पदाधिकारीलाई हटाउने निर्णय गर्दै महाधिवेशनको मिति तोकेका थिए । शुक्रवार बसेको केन्द्रीय कमिटी बैठकमा ओलीले अध्यक्ष र महासचिवबाहेक सबै पदाधिकारीलाई हटाउने निर्णय गरेका छन् ।

२०७१ असारमा भएको एमालेको नवौं महाधिवेशनबाट ओली अध्यक्षमा निर्वाचित भएका थिए भने उपाध्यक्षमा विद्या भण्डारी, बामदेव गौतम, युवराज ज्ञवाली, अष्टलक्ष्मी शाक्य र भीम रावल, महासचिवमा ईश्वर पोखरेल, उपमहासचिवमा विष्णु पौडेल र घनश्याम भुसाल तथा सचिवमा पृथ्वीसुब्बा गुरुङ, प्रदीप ज्ञवाली, भीम आचार्य, योगेश भट्टराई र गोकर्ण विष्ट चुनिएका थिए । अब अध्यक्ष र महासचिवबाहेक सबै पदाधिकारीको पद खोसिएको छ ।

बैठकले मंसिर २ गतेदेखि ६ गतेसम्म एमालेको महाधिवेशन गर्ने निर्णय समेत गरेको जनाइएको छ ।

बैठकमा वरिष्ठ नेता माधवकुमार नेपाल पक्षलाई सहभागी गराइएको थिएन । सर्वाेच्च अदालतबाट नेकपा बदर भएपछि अब कारवाही गर्ने शृंखला नेकपा एमालेमा सरेको छ । अदालतको फैसलापछि ब्युतिएको नेकपा एमालेमा औपचारिक बैठक नबस्दै अन्तरसंघर्ष देखिएको छ ।

प्रधानमन्त्री तथा एमाले अध्यक्ष केपी शर्मा ओलीले शुक्रबार केन्द्रीय सदस्यहरुको बैठक राखेर नेता माधवकुमार नेपाल र भीम रावल लगायतलाई कारवाही गर्दै जिम्मेवारी खोसेको छ ।

बैठकले माओवादी केन्द्रमा नफर्किएका रामबहादुर थापा ‘बादल’सहित २२ जनालाई केन्द्रीय सदस्यमा मनोनित गरेको छ । अध्यक्ष ओलीले बादल नेतृत्वको पूर्व माओवादी पक्षका २२ जनालाई नेकपा एमालेको केन्द्रीय सदस्यको जिम्मेवारी दिएका छन् ।

यी हुन् केन्द्रीय सदस्य मनोनित नेताहरू 

१) रामबहादुर थापा
२) टोपबहादुर रायमाझी
३) लेखराज भट्ट
४) मणिचन्द थापा
५) प्रभू साह
६) टंक आङबुहाङ

७) पासाङ शेर्पा
८) ज्वाला साह
९) टेकबहादुर बलामी
१०) कमल जंग
११) मनोज थापा
१२) विषमलाल अधिकारी

१३) लिलाबहादुर थापा
१४) दधिराम न्यौपाने
१५) दिनेश पन्थी
१६) नवीन रोका
१७) धर्मराज रेग्मी

१८) डम्बर विष्ट
१९) गौरीशंकर थारु
२०) झपट बोहरा
२१) दावा लामा
२२) चन्द्रबहादुर खड्का

शुक्रबारको बैठकले एमालेको विदेश विभाग प्रमुखमा राजन भट्टराई नियुक्त दिएका छन् । विभागमा यसअघि माधवकुमार नेपाल रहेका थिए ।

बैठकले सुदूरपश्चिम प्रदेश इन्चार्जमा भीम रावललाई हटाएर लेखराज भट्टलाई जिम्मेवारी दिएको छ । कर्णाली प्रदेश इन्चार्जमा युवराज ज्ञवाली हटाएर यमलाल कँडेललाई जिम्मेवारी तोकिएको छ ।

बाग्मती प्रदेश इन्चार्चमा नेपाल पक्षकी अष्टलक्ष्मी शाक्यलाई हटाएर रामबहादुर थापा ‘बादल’लाई तोकिएको छ भने १ नम्बर प्रदेशमा भीम आचार्यलाई हटाएर सुवास नेम्वाङलाई जिम्मेवारी दिएको छ ।

केन्द्रीय कमिटी सदस्यको बैठकले पार्टीको प्रवक्तामा प्रदीप ज्ञवालीलाई जिम्मेवारी दिएको छ । 
 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

प्रचण्डसँग मिलेर केपी ओलीले दिए कडा निर्देशन, विरोध उत्रेका सांसद के गर्लान् ?