काठमाडौं – नेपाली कांग्रेसका चर्चित युवा नेता तथा पूर्वमन्त्री गगनकुमार थापाले प्रतिनिधिसभा पुनर्स्थापनापछि प्रधानमन्त्री केपी शर्मा ओलीले गरिरहेको षड्यन्त्रको पर्दाफास गरेका छन् ।

सर्लाहीको धनकौलमा कांग्रेस पार्टीद्वारा आयोजित आमसभालाई सम्बोधन गर्दै नेता थापाले सर्वोच्च अदालतले संसद् पुनर्स्थापना गरेपश्चात् प्रधानमन्त्री ओली संसद भित्रैबाट देशलाई बन्धक बनाउने प्रयासमा लागेको खुलासा गरे ।

प्रधानमन्त्री ओलीले अंक गणितको खेलमा लागेर देशलाई बन्धक बनाउने प्रयास गरिरहेका थापाले बताए । निर्वाचन आयोगले पनि प्रधानमन्त्री ओलीको प्रयासमा मलजल गर्दै साथ दिएको आरोप नेता थापाले लगाए ।

उनले नेकपाको आधिकारिकता विवादमा निर्णय गर्न ढिला गरेर निर्वाचन आयोगले ओलीको गलत कदमलाई साथ दिइरहेको आरोप लगाएका छन् ।

‘अंक गणितको खेलमा लागेर प्रधानमन्त्री देशलाई बन्धक बनाउने प्रयासमा लागिरहेका छन्,’ नेता थापाले भने, ‘यसमा निर्वाचन आयोगले पनि पार्टी विवाद टुंगोमा नपुर्‍याउँदा उनको कदममा साथ दिइरहेको छ ।’

नेता थापाले सयौं सुरक्षाकर्मीको घेरामा रहेका प्रधानमन्त्री आफैले ‘मेरो जीउ ज्यान असुरक्षित छ’ भन्दै हिँड्नु लज्जास्पद रहेको बताएका छन् । आफैं असुरक्षित महसूस गर्ने प्रधानमन्त्रीले जनताको सुरक्षा गर्न नसक्ने भन्दै थापाले प्रधानमन्त्री ओलीलाई ‘लुरे’ प्रधानमन्त्रीको संज्ञा दिएका छन् ।

नेता थापाले अहिलेको प्रधानमन्त्रीबाट जनताले कुनै अपेक्षा नराखेको भन्दै अब ओलीलाई बिदा गर्नुपर्ने बेला आएको बताएका छन् ।

उनले पदको मोहले नेकपाभित्र अहिले भाँडभैलो मच्चिएको बताएका छन् । थापाले पहिला ओलीको हरेक कदममा साथ दिएका प्रचण्ड र माधव नेपाल लोभमा पर्दा अहिलेको स्थिति आएको दाबी गरेका छन् ।

नेता थापाले यसअघि राष्ट्रपतिले चालेका कतिपय कदमको कांग्रेसले प्रश्न उठाउँदा प्रचण्ड र माधव नेपालले साथ दिए पनि अहिले उनीहरू राष्ट्रपतिकै कार्यशैलीबाट सशंकित भइरहेको समेत बताएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

काठमाडौंका सडक र यातायात सुधार्न गगनका चार सुझाव, छक्क परे मन्त्री नेम्वाङ

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध