‘१७ हजारको ज्यान लिने प्रचण्डलाई के ?’
‘१७ हजारको ज्यान लिने प्रचण्डलाई के ?’
काठमाडौं – नेपाल कम्युनिस्ट पार्टी (नेकपा) प्रचण्ड–नेपाल पक्षका अध्यक्ष पुष्पकमल दाहाल ‘प्रचण्ड’ पटक–पटक विवादमा आउँछन्, उनकै नेतृत्वमा भएको सशस्त्र द्वन्द्वका कारण ।
यस्तै विवाद कोट्याउँदै जनता समाजवादी पार्टी (जसपा) नेता राजेन्द्र महतोले प्रचण्डमाथि गम्भीर प्रश्न गरेका छन् ।
कैलाली जिल्लाको कैलारी गाउँपालिकाको हसुलियामा आयोजित कार्यक्रममा नेता महतोले आफ्नो हक अधिकार माग्दा सांसद रेशम चौधरी जेल जानुपरेपनि १७ हजार नेपालीको ज्यान लिने प्रचण्डलाई के भनेर प्रश्न गरेका छन् ।
‘आफ्नो हकअधिकार माग्दा जेल जानुपर्ने देश नेपाल हो । १७ हजार नेपाली जनता नरसंहार गराउने प्रचण्डलाई के ? जेल नजानु पर्ने ?’
हकअधिकारका लागि आन्दोलन गरेबापत सांसद रेशम चौधरी र लक्ष्मण थारुलाई आजीवन सजाय दिइएको उनले बताए । कैलालीमा थरुहट थारुवान राष्ट्रिय मोर्चाको २ दिने विशेष राष्ट्रिय सम्मेलन जारी छ ।
कार्यक्रमको उद्घाटन जसपाका नेता महतोले गरेका छन् । २ दिनसम्म सञ्चालन हुने सम्मेलनमा पूर्व मेचीदेखि पश्चिम महाकालीका थारु समुदायका व्यक्ति, पहिचानवादी राजनीतिक दल र संघसंस्थाका प्रतिनिधिको सहभागिता छ ।
कार्यक्रममा जेलमा रहेका थरुहटका नेता रेशम चौधरी, लक्ष्मण थारु लगायतका मुद्धामा युवाहरूको ध्यानाकर्षण गराइने जनाइएको छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४