गगन थापा सिन्धुली पुगेपछि कांग्रेस प्रवेश गर्नेको ओइरो, ९४५ जनालाई स्वागत
गगन थापा सिन्धुली पुगेपछि कांग्रेस प्रवेश गर्नेको ओइरो, ९४५ जनालाई स्वागत
काठमाडौं – नेपाली कांग्रेसका चर्चित युवा नेता गगनकुमार थापा सिन्धुली जिल्लामा पुगेपछि कांग्रेसमा प्रवेश गर्नेहरूको ओइरो लागेको छ ।
सिन्धुलीको तीनपाटन गाउँपालिकामा नेपाली कांग्रेस गाउँ कार्यसमितिद्वारा शनिबार आयोजित आमसभामा ९४५ जना कांग्रेसमा प्रवेश गरेका छन् ।
विभिन्न पार्टी परित्याग गरी ९४५ जनाले कांग्रेस पार्टी प्रवेश गरेका जनाइएको छ । नवप्रवेशीलाई नेता थापाले पार्टीमा स्वागत गरेका छन् ।
कार्यक्रममा बोल्दै नेता थापाले यतिबेला कांग्रेस सरकारमा जाने नभई अब देश चुनावमा गएको बताए । उनले पुस ५ गते प्रधानमन्त्रीको असंवैधानिक कदमको प्रसंग कोट्याउँदै अब संविधानको ट्रयाकमा बसेर देश निर्वाचनमा जाने दाबी गरे ।
‘यदि संसद विघटन सदर भएको भए संविधान मिचेर चुनाव हुन्थ्यो तर अब संविधानको ट्रयाकमा बसेर देश चुनावमा जान्छ,’ नेता थापाले भने, ‘हामी सरकारमा जान्छौं तर कसैको भागमा रमाएर होइन, निर्वाचनमा सानदार जीतसहित जान्छौं ।’
नेता थापाले प्रधानमन्त्रीको रुपमा अझै केपी ओली नै रहेकाले अझै संकट नटरेको बताए । ‘प्रधानमन्त्रीको असंवैधानिक कदमलाई अदालतले ठाउँमा ल्याए पनि सन्किएको चालक ड्राइभर सिटमै भएकाले अझै अर्को ठाउँमा खसाल्ने खतरा छ,’ उनले भने ।
तर अहिलेको अवस्थालाई संसदमा बसेर आफूहरूले सम्हाल्ने बताउँदै थापाले आफ्ना कार्यकर्तालाई चिन्ता नलिन अनुरोध गरेका छन् ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४